Túrkistan oblysy Kentaý qalasynda qazirgi tańda 6 geologiialyq barlaý jumystary júrgizilýde. Kezinde kenimen tanylǵan óńirde aldaǵy jyly ken óndirý isi qarqyn alatyn bolady. Bul týraly Túrkistan oblysy óńirlik kommýnikatsiialar qyzmetinde Kentaý qalasynyń ákimi Ábdibaqyt Maqulbaev málim etti.
Shahar basshysynyń aitýynsha, aǵymdaǵy jyldyń 10 aiynyń qorytyndysymen qalanyń jalpy ónim kólemi 87 mlrd. 313 mln.teńgeni qurap, ótken jyldyń sáikes kezeńimen salystyrǵanda 2,6 ese artqan.
«Negizgi kapitalǵa tartylǵan investitsiia kólemi 12 mlrd. 315,4 mln. teńgege jetip, naqty kólem indeksi 160 paiyzdy qurady. Kentaý qalasyna 12 aýyl okrýgteriniń qosylýymen 2018 jyldyń 10 aiynda qoldanystaǵy shaǵyn orta kásipkerlik sýbektileriniń sany - 6784 birlikke jetip, 2,5 ese ósken. Shaǵyn biznes sýbektileriniń osy kezeńde óndirgen ónimderi men jasaǵan qyzmetteriniń jalpy sommasy - 61 mlrd. 134,8 mln. teńgeni qurady», - dedi Ábdibaqyt Tillábaiuly.
Kentaý qalasy boiynsha 2015-2019 jyldary óńirler kásipkerligin qoldaý kartasyna jalpy quny – 64 mlrd. 41,5 mln.teńge 5 joba engizilip, 4 joba tolyǵymen iske asyryldy. Onyń ishinde: «IýgElektroPrivod» JShS - «Toq jáne kerneý ajyratqyshtaryn, aiyrǵyshtaryn, ólshegish transformatorlaryn shyǵarý» jobasy; «Elektrodetal» JShS «35-110-220 transformatorlar úshin metallqurylymdar jasaityn jáne elektrooqshaýlar bólshekterin shyǵarý» jobasy; «Statýs Everest» JShS – «PET, PP, PE» qatty qaldyqtardy qaita óńdeý» jobasy; «Vostok Minerals» JShS – «Barit ónimderin óńdeý» jobasy; «GRK «Metallinvest» JShS-niń «Barit kontsentratynyń óndirisimen Ansai ken orynynyń barit kenine ónerkásiptik qazba jumystaryn júrgizý» jobasy.
Budan ózge, Kentaý qalasyndaǵy indýstriialdy aimaqtyń jalpy aýdany 25 gektardy quraidy. Onda 5 jobany iske asyrý josparlanyp, 2 joba tolyǵymen júzege asyryldy. 4,3 gektar aýmaqta injenerlik infraqurylym ornalasqan, 15,55 ga jer telimi rezervte. Búgingi tańǵa indýstriialdy aimaqta 2 joba tolyq iske asyrylǵan. Olar: Kentaý qalasy boiynsha 2015-2019 jyldary óńirler kásipkerligin qoldaý kartasy aiasynda iske qosylǵan «IýgElektroPrivod» JShS jáne «Elektrodetal» JShS.
