Foto: © instagram/kris.p.kentau.official
Túrkistan oblysynyń Kentaý qalasy politseileri jasóspirimdi urǵan er adamdy anyqtady, - dep habarlaidy "Ult aqparat" Polisia.kz saityna silteme jasap.
"26 sáýir saǵat 23:15 shamasynda Kentaý qalalyq politsiia bólimine aýrýhanadan jasóspirim qyzdyń dene jaraqatymen túskeni týraly habarlama keldi.
Tekserý barysynda, saǵat 20:30 shamasynda aýlada oinap júrgen qyzdy belgisiz bireý sebepsiz urǵany anyqtaldy. Oqiǵa bolǵan sátte túsirilgen beinejazba anyqtaldy. Onyń negizinde kúdiktiniń jeke basy belgili boldy. Er adam politsiia bólimine jetkizildi. Ol buryn sotty bolǵan jergilikti turǵyn bolyp shyqty", - delingen habarlamada.
Bul jait QR QK-niń 293-baby 1-bóligi "buzaqylyq" boiynsha tirkelgen. Qazirgi ýaqytta qylmystyq quqyq buzýshylyq QR QK-niń 24-baby 3-bóligi, 120-baby 4-bóligi boiynsha qaita saralanǵan.
Kúdikti qamaýǵa alynyp, birqatar saraptama taǵaiyndaldy. Oqiǵanyń tolyq mán-jaiy anyqtalyp jatyr.
Jábirlenýshiniń jaǵdaiy birqalypty. Qylmystyq is Túrkistan oblysy PD basshylyǵynyń baqylaýynda.
