فوتو: © instagram/kris.p.kentau.official
تٷركٸستان وبلىسىنىڭ كەنتاۋ قالاسى پوليتسەيلەرٸ جاسٶسپٸرٸمدٸ ۇرعان ەر ادامدى انىقتادى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
"26 سەۋٸر ساعات 23:15 شاماسىندا كەنتاۋ قالالىق پوليتسييا بٶلٸمٸنە اۋرۋحانادان جاسٶسپٸرٸم قىزدىڭ دەنە جاراقاتىمەن تٷسكەنٸ تۋرالى حابارلاما كەلدٸ.
تەكسەرۋ بارىسىندا, ساعات 20:30 شاماسىندا اۋلادا ويناپ جٷرگەن قىزدى بەلگٸسٸز بٸرەۋ سەبەپسٸز ۇرعانى انىقتالدى. وقيعا بولعان سەتتە تٷسٸرٸلگەن بەينەجازبا انىقتالدى. ونىڭ نەگٸزٸندە كٷدٸكتٸنٸڭ جەكە باسى بەلگٸلٸ بولدى. ەر ادام پوليتسييا بٶلٸمٸنە جەتكٸزٸلدٸ. ول بۇرىن سوتتى بولعان جەرگٸلٸكتٸ تۇرعىن بولىپ شىقتى", - دەلٸنگەن حابارلامادا.
بۇل جايت قر قك-نٸڭ 293-بابى 1-بٶلٸگٸ "بۇزاقىلىق" بويىنشا تٸركەلگەن. قازٸرگٸ ۋاقىتتا قىلمىستىق قۇقىق بۇزۋشىلىق قر قك-نٸڭ 24-بابى 3-بٶلٸگٸ, 120-بابى 4-بٶلٸگٸ بويىنشا قايتا سارالانعان.
كٷدٸكتٸ قاماۋعا الىنىپ, بٸرقاتار ساراپتاما تاعايىندالدى. وقيعانىڭ تولىق مەن-جايى انىقتالىپ جاتىر.
جەبٸرلەنۋشٸنٸڭ جاعدايى بٸرقالىپتى. قىلمىستىق ٸس تٷركٸستان وبلىسى پد باسشىلىعىنىڭ باقىلاۋىندا.
