Foto: Gov.kz.
Kentaý qalasynda 2024 jyldyń 9 aiynda ónerkásip óniminiń kólemi 37,1 mlrd teńgeni quraǵan. Sondai-aq, óńdeý ónerkásibinde 32,4 mlrd teńgeniń ónimi óndirilse, aýylsharýashylyǵy salasyndaǵy jalpy ónim kólemi 9,1 mlrd teńgege jetken, dep habarlaidy «Ult aqparat».
Jalpy ónerkásip salasynda aǵymdaǵy jyldyń 9 aiynda investitsiialyq quny 859 mln teńgeni quraityn 3 joba júzege asqan. Bul jaiynda Kentaý qalasynyń ákimi Jandos Tasov BAQ ókilderimen ótken brifingte málimdedi.
«Kentaýda ónerkásip salasyn damytý boiynsha jyl sońyna deiin taǵy 4 joba ashý josparlanýda. Olardyń investitsiialyq quny 1 mlrd 791 mln teńgeni qurap otyr. Bul tizimde quny 1,5 mlrd teńgelik «Kentaý Red Star» JShS-ń qysh óndiretin zaýyty da bar. Jylyna 45 mln dana qysh shyǵarýǵa qaýqarly óndiris orny 10 adamdy turaqty jumyspen qamtymaq. Sonymen qatar, óńirdegi indýstrialdy aimaqta «Haltaev» JK metall tor men qurylys bloktaryn shyǵarý zaýyty iske qosýdy josparlap otyr. Atalǵan joba arqyly taǵy da 10 adam turaqty jumyspen qamtylyp, jylyna 50 myń dana blok pen 1 000 metall tor óndirilmek»- dedi óńir basshysy.«Kentaýda ónerkásip salasyn damytý boiynsha jyl sońyna deiin taǵy 4 joba ashý josparlanýda. Olardyń investitsiialyq quny 1 mlrd 791 mln teńgeni qurap otyr. Bul tizimde quny 1,5 mlrd teńgelik «Kentaý Red Star» JShS-ń qysh óndiretin zaýyty da bar. Jylyna 45 mln dana qysh shyǵarýǵa qaýqarly óndiris orny 10 adamdy turaqty jumyspen qamtymaq. Sonymen qatar, óńirdegi indýstrialdy aimaqta «Haltaev» JK metall tor men qurylys bloktaryn shyǵarý zaýyty iske qosýdy josparlap otyr. Atalǵan joba arqyly taǵy da 10 adam turaqty jumyspen qamtylyp, jylyna 50 myń dana blok pen 1 000 metall tor óndirilmek»- dedi óńir basshysy.
Sondai-aq, Kentaý qalasyndaǵy infraqurylym salasynda da oń ózgerister jeterlik. Máselen, qala aýmaǵynda eldi mekender 100% aýyz sýmen qamtylǵan. Sonymen qatar, jyl basynan beri elektr jelilerin jańartý maqsatynda 7 dana transformator aýystyrylyp, 15,3 shaqyrym jelini qaita qurý jumystary júrgizilýde. Budan bólek, jyl sońyna deiin turǵyndardy tabiǵi gazben qamtý kórsetkishin 93%-ǵa jetkizý josparlanǵan. Toǵyz aidyń qorytyndysymen 18 000 abonenttiń 14 981-i, iaǵni 83%-y tabiǵi gaz júiesine qosyldy. Óńirdegi jol máselesi de ońtaily sheshimin taýyp keledi. Búginde Kentaý qalasy jáne oǵan qarasty aýyldardaǵy 365 shaqyrym kósheniń 82,1%-y qanaǵattanarlyq jaǵdaida. Jyl sońynda bul kórsetkishti 87,7 %-ǵa jetkizý kózdelgen.
Sonymen qatar, óńirdegi turǵyn úi máselesi de kún tártibinen túsken emes. Búginde qalada 5 117 azamat baspana kezegine tirkelgen. Qazirgi tańda atalǵan máseleni sheshý maqsatynda 60 páterli 5 qabatty turǵyn úidiń jáne 30 páterlik 2 turǵyn úidiń qurylysy júrgizilýde.
