Túrkistan oblysynyń politseileri áleýmettik kómek rásimdeýdi usynǵan alaiaq áieldi ustady, dep habarlaidy Polisia.kz.
Kentaý qalasynyń politsiia qyzmetine jergilikti áiel kelip, syiaqy úshin áleýmettik kómek aqysyn rásimdeýge kómek usynǵan alaiaq áielge aldanǵany týraly ótinish jazdy. Jábirlenýshiniń senimine kirip alǵan alaiaq odan 35 myń teńge alyp, izin jasyrǵan.
Atalǵan fakti Kentaý qalasyndaǵy PB Sot aldyndaǵy tergeýdiń biryńǵai tizilimine QR Qylmystyq kodeksiniń 190-babymen («Alaiaqtyq») tirkelgen.
Kúdikti áieldi ustaý maqsatymen politsiia bóliminde tergeý-jedel toby quryldy. Jedel-izdeý sharalarynyń nátijesinde tártip saqshylary kúdiktini bir táýlik ishinde ustady. Ol buryn sottalmaǵan, qalanyń jumyssyz turǵyny bolyp shyqty.
Aldyn ala tergeý barysynda áieldiń osyǵan uqsas taǵy bir alaiaqtyq faktisine qatysy bar ekeni anyqtalǵan. Sol kúni ol járdemaqy rásimdeýge kómektesem dep taǵy bir áieldiń 35 myń teńgesin aldap alǵan.
Qazirgi kezde atalǵan faktilermen sot aldyndaǵy tergeý amaldary júrgizilýde. Kúdikti azamatsha kepil soma tólep, qamaýdan shyǵaryldy.
