تٷركٸستان وبلىسىنىڭ پوليتسەيلەرٸ ەلەۋمەتتٸك كٶمەك رەسٸمدەۋدٸ ۇسىنعان الاياق ەيەلدٸ ۇستادى, دەپ حابارلايدى Polisia.kz.
كەنتاۋ قالاسىنىڭ پوليتسييا قىزمەتٸنە جەرگٸلٸكتٸ ەيەل كەلٸپ, سىياقى ٷشٸن ەلەۋمەتتٸك كٶمەك اقىسىن رەسٸمدەۋگە كٶمەك ۇسىنعان الاياق ەيەلگە الدانعانى تۋرالى ٶتٸنٸش جازدى. جەبٸرلەنۋشٸنٸڭ سەنٸمٸنە كٸرٸپ العان الاياق ودان 35 مىڭ تەڭگە الىپ, ٸزٸن جاسىرعان.
اتالعان فاكتٸ كەنتاۋ قالاسىنداعى پب سوت الدىنداعى تەرگەۋدٸڭ بٸرىڭعاي تٸزٸلٸمٸنە قر قىلمىستىق كودەكسٸنٸڭ 190-بابىمەن («الاياقتىق») تٸركەلگەن.
كٷدٸكتٸ ەيەلدٸ ۇستاۋ ماقساتىمەن پوليتسييا بٶلٸمٸندە تەرگەۋ-جەدەل توبى قۇرىلدى. جەدەل-ٸزدەۋ شارالارىنىڭ نەتيجەسٸندە تەرتٸپ ساقشىلارى كٷدٸكتٸنٸ بٸر تەۋلٸك ٸشٸندە ۇستادى. ول بۇرىن سوتتالماعان, قالانىڭ جۇمىسسىز تۇرعىنى بولىپ شىقتى.
الدىن الا تەرگەۋ بارىسىندا ەيەلدٸڭ وسىعان ۇقساس تاعى بٸر الاياقتىق فاكتٸسٸنە قاتىسى بار ەكەنٸ انىقتالعان. سول كٷنٸ ول جەردەماقى رەسٸمدەۋگە كٶمەكتەسەم دەپ تاعى بٸر ەيەلدٸڭ 35 مىڭ تەڭگەسٸن الداپ العان.
قازٸرگٸ كەزدە اتالعان فاكتٸلەرمەن سوت الدىنداعى تەرگەۋ امالدارى جٷرگٸزٸلۋدە. كٷدٸكتٸ ازاماتشا كەپٸل سوما تٶلەپ, قاماۋدان شىعارىلدى.
