Keniiada nóser jańbyr úlken sý tasqynyna alyp keldi. Saldarynan eldiń barlyq aimaǵynda úiler men infraqurylym nysandary kóptep qirady. Bul týraly the-star.co.ke saity habarlady.
Kóptegen otbasy sý tasqynynan zardap shekti. Olar óz úilerin tastap, qaýipsiz jerge kóshken.
«Dúisenbi kúni uzaqqa sozylǵan jańbyrdan bolǵan sý tasqyny 164 adamnyń ómirin qidy. Býdalang okrýgine kelgen shyǵyndy baǵalaý úshin sheneýnikter keldi. Býdalang – Keniiadaǵy eń kóp sý basqan aýdandardyń biri. Munda Nzoiia ózeni arnasynan asyp, júzdegen úidi sý aldy, jergilikti turǵyndar baspanasyz qaldy. Býdalang okrýginde úiin sý shaiǵan kóptegen otbasy jaqyn mańdaǵy mektepterdiń ǵimarattaryna qonystanýǵa májbúr boldy», - delingen aqparatta.
Málim etilgendei, sáýir aiynda el úkimeti tasqynnan zardap shekken aýdandardyń turǵyndaryna aldaǵy ýaqytta jańbyr men sý tasqyny bolýy múmkin ekeni týraly eskertý jasap, adamdarǵa qaýipsiz jerge ýaqytsha kóshýdi usynǵan.
Nóser jaýyn áli kúnge deiin eldiń kóptegen aýdandarynda jalǵasýda. Onyń ishinde Rift-Valli, Nianzý, Batys, Jaǵalaý, Ortalyq, Soltústik-shyǵys, Shyǵys oblystary sondai-aq Nairobi bar.
