"Samuryq-Qazyna" qory keńes alý qyzmetterine 2,1 milliard teńgege josparlanǵan satyp alýlar týraly aqparatqa pikir bildirdi, - dep habarlaidy Tengrinews.kz.
Protenge telegram-arnasy málimetinshe, qordyń 2022-2023 jyldarǵa arnalǵan satyp alý josparlarynda 2,1 milliard teńgege "kompaniiany transformatsiialaý máseleleri boiynsha konsýltatsiia qyzmetterin alý" bar ekeni týraly aqparat paida boldy.
Qordyń baspasóz qyzmeti málimetine súiensek, 2021 jyly satyp alýdyń uzaq merzimdi jospary bekitilgen. Onda 2022-2023 jyldar kezeńine 2022 jyldyń qańtardaǵy satyp alý kezeńimen transformatsiiany qoldaý qyzmetteri baby qarastyrylǵan.
"Qańtarda bul shyǵyndarǵa qajettilik bolmaýyna bailanysty satyp alý júrgizilmedi. 2022 jyldyń 10 aqpanynda 2022 jylǵa arnalǵan satyp alýdyń jyldyq jospary túzetildi, bul tarmaq qazir joq", - dep túsindirdi qor ókilderi.
"Samuryq-Qazyna" qory qazirgi ýaqytta qor biýdjetin ońtailandyrý júrgizilip jatqanyn, sonyń nátijesinde barlyq kereksiz pozitsiiany alyp tastai otyryp, uzaq merzimdi satyp alý jospary túzetiletinin habarlada.
