"سامۇرىق-قازىنا" قورى كەڭەس الۋ قىزمەتتەرٸنە 2,1 ميلليارد تەڭگەگە جوسپارلانعان ساتىپ الۋلار تۋرالى اقپاراتقا پٸكٸر بٸلدٸردٸ, - دەپ حابارلايدى Tengrinews.kz.
Protenge تەلەگرام-ارناسى مەلٸمەتٸنشە, قوردىڭ 2022-2023 جىلدارعا ارنالعان ساتىپ الۋ جوسپارلارىندا 2,1 ميلليارد تەڭگەگە "كومپانييانى ترانسفورماتسييالاۋ مەسەلەلەرٸ بويىنشا كونسۋلتاتسييا قىزمەتتەرٸن الۋ" بار ەكەنٸ تۋرالى اقپارات پايدا بولدى.
قوردىڭ باسپاسٶز قىزمەتٸ مەلٸمەتٸنە سٷيەنسەك, 2021 جىلى ساتىپ الۋدىڭ ۇزاق مەرزٸمدٸ جوسپارى بەكٸتٸلگەن. وندا 2022-2023 جىلدار كەزەڭٸنە 2022 جىلدىڭ قاڭتارداعى ساتىپ الۋ كەزەڭٸمەن ترانسفورماتسييانى قولداۋ قىزمەتتەرٸ بابى قاراستىرىلعان.
"قاڭتاردا بۇل شىعىندارعا قاجەتتٸلٸك بولماۋىنا بايلانىستى ساتىپ الۋ جٷرگٸزٸلمەدٸ. 2022 جىلدىڭ 10 اقپانىندا 2022 جىلعا ارنالعان ساتىپ الۋدىڭ جىلدىق جوسپارى تٷزەتٸلدٸ, بۇل تارماق قازٸر جوق", - دەپ تٷسٸندٸردٸ قور ٶكٸلدەرٸ.
"سامۇرىق-قازىنا" قورى قازٸرگٸ ۋاقىتتا قور بيۋدجەتٸن وڭتايلاندىرۋ جٷرگٸزٸلٸپ جاتقانىن, سونىڭ نەتيجەسٸندە بارلىق كەرەكسٸز پوزيتسييانى الىپ تاستاي وتىرىپ, ۇزاق مەرزٸمدٸ ساتىپ الۋ جوسپارى تٷزەتٸلەتٸنٸن حابارلادا.
