Memleket basshysy Nursultan Nazarbaev Kemerovodaǵy alapat órt qazaqstandyqtarǵa sabaq bolýy tiis ekendigin aitty, dep habarlaidy "Ult aqparat".
"Kemerovodaǵy oqiǵadan bárimiz bir qorytyndy shyǵarýymyz kerek. Qazir meniń tapsyrmam boiynsha ainala túgel tekserilip jatyr. Barlyq jerde tekseris júrgizilýi tiis. Tapa-tal túste qanshama adam, bala qaza tapty, sumdyq. Qazir qarap otyrmyn, barlyq kásipker ózderinde bári jaqsy ekenin dáleldei bastady. Biraq tekseristermen jumysty jolǵa qoiý qajet, ásirese barlyq MEGA-da. Nege balalar alańdaryn tómende emes, joǵary qabatqa salady? Saýda oryndaryn joǵary qabattan ashýǵa bolady. Al balalar alańy tómengi qabattarda bolýy kerek. Bolashaqta qurylys kezinde mega-jobalar boiynsha osyndai talap qoiý kerek", — dep tapsyrdy Elbasy Astanada ótken keńeste.
Eske salyp ótsek, Kemerovodaǵy "Zimniaia vishnia" saýda úiindegi órt 25 naýryz kúni shyqty. Alapat órtten 64 adam kóz jumdy, onyń ishinde 41 bala bar. Zardap shekkender sany 70-ten asty.
