Jambyl oblysynyń Qordai aýdanyndaǵy koronavirýsqa qarsy vaktsina óndiretin zaýyt zaýyt osy jydyń aiaǵynda iske qosylady, dep habarlaidy "Ult aqparat".
«Memleket basshysy Qasym-Jomart Toqaevtyń tapsyrmasymen indetke bailanysty bizdiń Qordai aýdanynda vaktsina shyǵaratyn zaýyt salynyp jatyr. Ol jerde memleketimizdiń biologiialyq qaýipsizdigin qamtamasyz etý jóninde institýt bar. Olar qazir brýtsellezge, dermatitke, qus tumaýyna bailanysty vaktsina shyǵarady. Qazir endi ol jerde jańa zaýyt boi kóterýde. Ol zaýyt jylyna kem degende 30 millionnan 60 million dozaǵa deiin koronavirýsqa qarsy vaktsina shyǵarady», - dedi Jambyl obylysynyń ákimi Ortalyq kommýnikatsiialar qyzmetinde ótken baspasóz máslihatynda.
Jospar boiynsha osy jyldyń aiaǵynda zaýyt iske qosylmaq.
«Kelesi jyly naýryz aiynda vaktsina shyǵarady. Úkimettiń kómegi men qoldaýy bar. Sonda jumys isteitin qyzmetkerlerdi qoldaý úshin ol jerde turǵyn úi salynyp jatyr. Birinshi 90 páterlik turǵyn úi kelesi jyly paidalanýǵa beriledi. Qalǵan 2 úidiń qurylysyn kelesi jyly bastaimyz. Osyndai vaktsinalardy shyǵarý úshin jaqsy mamandardy tartýymyz kerek. Sondyqtan qazir sonda jumys isteitin mamandardyń jalaqysyn kóterý máselesi pysyqtalyp jatyr», - dedi ol.
