Memleket avtokólikke janarmai quiý úshin suiytylǵan munai gazynyń bólshek saýdadaǵy baǵasyn retteýdi jalǵastyrady, - dep habarlaidy Tengrinews.kz portaly Básekelestikti qorǵaý jáne damytý agenttiginiń (BÁQA) saityna silteme jasap.
29 jeltoqsanda vedomstvo basshysynyń kólik quraldaryna janarmai quiýǵa arnalǵan suiytylǵan munai gazyn bólshek saýdada satý baǵasyn memlekettik retteýdi 2023 jyldyń 30 maýsymyna deiin uzartýdy kózdeitin jańa buiryǵy kúshine endi.
Aita keteiik, Memleket basshysynyń 2022 jylǵy 5 qańtardaǵy tapsyrmasy boiynsha 5 shildede avtogaz quiý stantsiialarynan suiytylǵan munai gazyn bólshek saýdada ótkizýge shekti baǵalar belgilengen edi. Gaz baǵasy óńirge bailanysty litrine 70 teńgege deiin boldy. Atalǵan buiryqtyń qoldanylý merzimi 2023 jylǵy 1 qańtarda aiaqtalady.
