Qazaqstandyqtar áleýmettik jeliler men messendjerlerde «Qazirgi kezde qaralyp jatqan jańa normativtik-quqyqtyq aktige sáikes, Qazaqstanda oqý jyly resmi túrde 20 tamyzda bastalady» degen aqpar taratyp jatyr. Oqý-aǵartý ministrli bul aqparatty joqqa shyǵardy, dep habarlaidy "Ult aqparat" Stopfake.kz-ke silteme jasap.
«Memlekettik mektepterde demalys, sondai-aq oqý jylynyń bastalý jáne aiaqtalý merzimderi ózgermeidi. Kanikýl kezeńi ózgerissiz qalady, iaǵni oqý kúnderiniń sany kóbeimeidi, al kanikýl kezeńi azaimaidy. Qazaqstandyq oqýshylar 175 kún oqidy. Kanikýldar men demalys kúnderiniń jalpy uzaqtyǵy 190 kúndi quraidy (kibise jyldy qospaǵanda). Talqylanyp jatqan qujattyń jobasy qamqorshylyq keńesterdiń kelisimimen halyqaralyq jáne pilottyq mektepterge oqý jylynyń jalpy merzimderin retteýge quqyq beredi.
Buǵan deiin atalǵan mektepterdiń ókilderi oqý merzimi men kanikýl kezeńin óz betinshe anyqtaýǵa múmkindik berýdi qoldaǵan bolatyn. Bul rette halyqaralyq jáne pilottyq mektepter (olardyń sany óte az) belgilengen oqý jáne kanikýl kúnderimen (175 oqý jáne 190 demalys kúnderi) shekteledi. Iaǵni, kanikýldy qysqartý týraly másele qaralyp jatqan joq. Memlekettik mektepter úshin oqý jáne kanikýl merzimderi bekitilgen normalar sheńberinde áreket etetinin atap ótken jón. Biylǵy oqý jyly 1 qyrkúiekte bastalyp, 31 mamyrda aiaqtalady, sodan keiin kanikýl bastalady», – dep málimdedi QR Oqý-aǵartý ministrliginiń baspasóz qyzmeti.
