قازاقستاندىقتار ەلەۋمەتتٸك جەلٸلەر مەن مەسسەندجەرلەردە «قازٸرگٸ كەزدە قارالىپ جاتقان جاڭا نورماتيۆتٸك-قۇقىقتىق اكتٸگە سەيكەس, قازاقستاندا وقۋ جىلى رەسمي تٷردە 20 تامىزدا باستالادى» دەگەن اقپار تاراتىپ جاتىر. وقۋ-اعارتۋ مينيسترلٸ بۇل اقپاراتتى جوققا شىعاردى, دەپ حابارلايدى "ۇلت اقپارات" Stopfake.kz-كە سٸلتەمە جاساپ.
«مەملەكەتتٸك مەكتەپتەردە دەمالىس, سونداي-اق وقۋ جىلىنىڭ باستالۋ جەنە اياقتالۋ مەرزٸمدەرٸ ٶزگەرمەيدٸ. كانيكۋل كەزەڭٸ ٶزگەرٸسسٸز قالادى, ياعني وقۋ كٷندەرٸنٸڭ سانى كٶبەيمەيدٸ, ال كانيكۋل كەزەڭٸ ازايمايدى. قازاقستاندىق وقۋشىلار 175 كٷن وقيدى. كانيكۋلدار مەن دەمالىس كٷندەرٸنٸڭ جالپى ۇزاقتىعى 190 كٷندٸ قۇرايدى (كٸبٸسە جىلدى قوسپاعاندا). تالقىلانىپ جاتقان قۇجاتتىڭ جوباسى قامقورشىلىق كەڭەستەردٸڭ كەلٸسٸمٸمەن حالىقارالىق جەنە پيلوتتىق مەكتەپتەرگە وقۋ جىلىنىڭ جالپى مەرزٸمدەرٸن رەتتەۋگە قۇقىق بەرەدٸ.
بۇعان دەيٸن اتالعان مەكتەپتەردٸڭ ٶكٸلدەرٸ وقۋ مەرزٸمٸ مەن كانيكۋل كەزەڭٸن ٶز بەتٸنشە انىقتاۋعا مٷمكٸندٸك بەرۋدٸ قولداعان بولاتىن. بۇل رەتتە حالىقارالىق جەنە پيلوتتىق مەكتەپتەر (ولاردىڭ سانى ٶتە از) بەلگٸلەنگەن وقۋ جەنە كانيكۋل كٷندەرٸمەن (175 وقۋ جەنە 190 دەمالىس كٷندەرٸ) شەكتەلەدٸ. ياعني, كانيكۋلدى قىسقارتۋ تۋرالى مەسەلە قارالىپ جاتقان جوق. مەملەكەتتٸك مەكتەپتەر ٷشٸن وقۋ جەنە كانيكۋل مەرزٸمدەرٸ بەكٸتٸلگەن نورمالار شەڭبەرٸندە ەرەكەت ەتەتٸنٸن اتاپ ٶتكەن جٶن. بيىلعى وقۋ جىلى 1 قىركٷيەكتە باستالىپ, 31 مامىردا اياقتالادى, سودان كەيٸن كانيكۋل باستالادى», – دەپ مەلٸمدەدٸ قر وقۋ-اعارتۋ مينيسترلٸگٸنٸڭ باسپاسٶز قىزمەتٸ.
