Foto: QR Sportty damytý direktsiiasy
Aziia Olimpiada keńesi kelesi IX qysqy Aziia oiyndary ótetin qalany atady, dep habarlaidy "Ult aqparat" "QazAqparat" Halyqaralyq agenttigine silteme jasap.
Sportty damytý direktsiiasynyń baspasóz qyzmeti málim etkendei, IX qysqy Aziia oiyndary 2025 jyly Qytaidyń Harbin qalasynda 7 aqpan men 14 naýryz aralyǵynda ótetin boldy.
Aziia Olimpiada keńesi keshendi jarysty úilestirýshi komitet ókilderimen kezdesip, boitumar, emblema jáne urandy bekitip úlgerdi. IX básekeniń urany: «Qysqy armandar, Aziia ortalyǵyndaǵy mahabbat» (Dreams of Winter, Love among Asia).
Aita keteiik, Harbinde osyǵan deiin 1996 jyly qysqy Aziia oiyndary ótken. Sol kezdegi muz saraiynyń birneshe alańy kelesi jyly da qoldanylmaq. Reti boiynsha III oiyndar Qazaqstan delegatsiiasy úshin tabysty boldy. Ulttyq qurama sol jyly 14 altyn, 9 kúmis, 8 qola (barlyǵy 31) júldemen jalpy esepte jarys qojaiynynan keiingi 2-satyǵa jaiǵasqan.
