Elimizde bir aidan keiin Ulttyq quryltaidyń alǵashqy otyrysy ótedi. Quryltai jańa dialog alańy bolmaq. Bul týraly Prezident Qasym-Jomart Toqaev Qazaqstan halqy Assambleiasynyń HHHI sessiiasynda aitty, dep habarlaidy Sputnik Qazaqstan.
"Quryltai el damýynyń ózekti máselelerin talqylaý úshin qoǵam bolyp jumylýǵa baǵyttalǵan. Ol jalpyulttyq dialogtyń ámbebap úlgisine ainalady. Quryltai quramyna depýtattar, Assambleia músheleri, sarapshylar men quqyq qorǵaýshylar, barlyq óńirdiń, sondai-aq Azamattyq alianstyń, qoǵamdyq keńesterdiń, úkimettik emes uiymdardyń, biznes-qaýymdastyq jáne óndiris salasynyń ókilderi kiredi", - dedi Memleket basshysy.
Prezidenttiń aitýynsha, Qazaqstan halqy Assambleiasy Ulttyq quryltaimen birlesip, tiimdi jumys isteýi kerek. Sebebi túptep kelgende, ekeýiniń maqsaty – ortaq.
"Aýqymdy ózgeristerge jastardyń da belsene qatysqany abzal. Keshe tuńǵysh ret Qazaqstan halqy Assambleiasynyń Jastar sessiiasy ótti. Onyń usynymdaryn muqiiat zerdeleý qajet", - dedi Toqaev.
