Keles aýdanynda quramynda politsiia qyzmetkerleri, jastar ortalyǵy jáne múddeli organ ókilderi bar mobildik top birlesip, dári-dármek pen meditsinalyq quraldardy joǵary baǵamen zańsyz satý faktilerin anyqtaý boiynsha kezekti reidtik is-sharalar ótkizdi, dep habarlaidy "Ult aqparat" Túrkistan oblysy Politsiia departamentiniń baspasóz qyzmetine silteme jasap.
Keles aýdany aýyldarynyń birinde politseiler dári-dármekterdi zańsyz satý faktisin anyqtady. Jergilikti turǵyn úiiniń janynan zańsyz dárihana ashyp, farmakologiialyq qyzmetpen ainalysýǵa tiisti litsenziiasy joq bola tura, dári-dármek satýmen ainalysqan. Jalpy alǵanda mobildik top satýshydan 96 túrli dári-dármekti (nistatin, mýpobel, tsilesterdem, gidrokortizon jáne basqalar), barlyǵy 5 qorappen aldy. Bul jait Keles APB-de tirkeldi.
Jinaqtalǵan materialdardy politseiler zańdy sheshim qabyldaý úshin QR Densaýlyq saqtaý ministrliginiń taýarlar men qyzmetterdiń sapasy men qaýipsizdigin baqylaý komitetine jiberdi.
Túrkistan oblysynyń politseileri karantin kezeńinde dári-dármekterdi joǵary baǵamen zańsyz satýdyń 50 faktisi anyqtap, 5 myńnan astam dári-dármek pen meditsinalyq quraldardy tárkiledi.
