كەلەس اۋدانىندا قۇرامىندا پوليتسييا قىزمەتكەرلەرٸ, جاستار ورتالىعى جەنە مٷددەلٸ ورگان ٶكٸلدەرٸ بار موبيلدٸك توپ بٸرلەسٸپ, دەرٸ-دەرمەك پەن مەديتسينالىق قۇرالداردى جوعارى باعامەن زاڭسىز ساتۋ فاكتٸلەرٸن انىقتاۋ بويىنشا كەزەكتٸ رەيدتٸك ٸس-شارالار ٶتكٸزدٸ, دەپ حابارلايدى "ۇلت اقپارات" تٷركٸستان وبلىسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
كەلەس اۋدانى اۋىلدارىنىڭ بٸرٸندە پوليتسەيلەر دەرٸ-دەرمەكتەردٸ زاڭسىز ساتۋ فاكتٸسٸن انىقتادى. جەرگٸلٸكتٸ تۇرعىن ٷيٸنٸڭ جانىنان زاڭسىز دەرٸحانا اشىپ, فارماكولوگييالىق قىزمەتپەن اينالىسۋعا تيٸستٸ ليتسەنزيياسى جوق بولا تۇرا, دەرٸ-دەرمەك ساتۋمەن اينالىسقان. جالپى العاندا موبيلدٸك توپ ساتۋشىدان 96 تٷرلٸ دەرٸ-دەرمەكتٸ (نيستاتين, مۋپوبەل, تسيلەستەردەم, گيدروكورتيزون جەنە باسقالار), بارلىعى 5 قوراپپەن الدى. بۇل جايت كەلەس اپب-دە تٸركەلدٸ.
جيناقتالعان ماتەريالداردى پوليتسەيلەر زاڭدى شەشٸم قابىلداۋ ٷشٸن قر دەنساۋلىق ساقتاۋ مينيسترلٸگٸنٸڭ تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنە جٸبەردٸ.
تٷركٸستان وبلىسىنىڭ پوليتسەيلەرٸ كارانتين كەزەڭٸندە دەرٸ-دەرمەكتەردٸ جوعارى باعامەن زاڭسىز ساتۋدىڭ 50 فاكتٸسٸ انىقتاپ, 5 مىڭنان استام دەرٸ-دەرمەك پەن مەديتسينالىق قۇرالداردى تەركٸلەدٸ.
