Almaty oblysy bilim berý ortalyqtarynyń materialdyq-tehnikalyq bazasyn jańartý úshin 220 million teńge bólindi, onyń ishinde Kegen aýdanynda IT-synyptar men robototehnika kabinetterin ashý jáne damytý isi de bar. Sonymen qatar osy jyldyń sońyna deiin 5 IT-synyptar ashylmaq. Bul týraly aýdanǵa jumys sapary kezinde belgili boldy. Jumys sapary barysynda oblys ákimi Amandyq Batalov mańyzdy áleýmettik nysandarǵa abasyn burdy, solardyń qatarynda №3 orta mektep pen Kegen aýylyndaǵy aýdandyq aýrýhana da bar.
№3 Kegen orta mektebine barǵan Amandyq Batalov coworking-synyptar jumysymen jáne robototehnika kabinetimen tanysty. Oqýshylar oblys ákimine 3D-modeldeý, animatsiialar, beinemontaj boiynsha óz jobalaryn kórsetti, sondai-aq, ózderiniń alǵashqy robottaryn is júzinde kórsetip berdi. Oqýshylarmen suhbattasý barysynda jáne mektep ǵimaratyn aralaǵan oblys ákimi bul mektepke kúrdeli jóndeý qajet ekenin aityp ótti, sáikesinshe, A.Batalov qajetti qujattardy daiarlaý máselesin aýdan ákimine jáne oblystyq bilim berý basqarmasynyń bastyǵyna júktedi.
Kegen aýdandyq aýrýhanasy da kúrdeli jóndeýdi qajet etedi. 1972 jyly salynǵan bul ǵimarattyń sý qubyry júiesi men káriz júiesi eskirgen. Amandyk Batalov óziniń áleýmettik salaǵa jetekshilik etetin orynbasaryna aýrýhanany kúrdeli jóndeýden ótkizý jumystarynyń júrgizilýine jáne qajetti mólsherde qazirgi zamanǵy meditsinalyq qurylǵylarmen qamtamasyz etilýine erekshe baqylaý jasaýdy tapsyrdy.
Jumys sapary mádeniet úiinde ótetin aýdan aktivimen kezdesýmen jalǵasty.
Jinalys bastalǵanǵa deiin Kegen aýdanynyń ákimi Talǵat Baiedilov aýdannyń 2018 jylǵy áleýmettik-ekonomikalyq damýy jaily baiandap berdi, sondai-aq, osy jylǵa investorlarmen birge josparlanǵan jobalardy tanystyrdy. «Park Canyon» JShS usynǵan irgeli joba - týristik saladaǵy biregei jobalardyń biri, onyń basty ereksheligi – shatqaldyń jan-jaqtaryn úshburysh pishin tárizdes etip qosyp turatyn aspaly kópir. Jobanyń jalpy quny - 1,5 mlrd. teńge. Jobada bos ýaqyt pen demalys ýaqytyn uiymdastyrý, qonaq úi jáne tamaqtandyrý qyzmetteri qarastyrylǵan. Joba aiasynda jasyl jelekterdi otyrǵyzý uiymdastyrylady, ártúrli shaǵyn arhitektýralyq formalar ornatylatyn bolady, joba 2019-2021 jyldar aralyǵynda iske asyrylady dep josparlanǵan.
Aýdandaǵy týrizmniń damytý josparlaryna oń baǵa bergen Amandyq Batalov aýdan aktivimen kezdesý ótkizdi, onda aýdan ákimi baiandama jasady. Oblys ákimi baiandama jasaǵandardan problemalyq suraqtarǵa toqtalýlaryn surady. T.Baiedilov problemalyq másele retinde aýdan turǵyndaryn sapaly aýyz sýymen qamtamasyz etý isin atap ótti, óitkeni birqatar eldi mekenderde nasostyq júieler men taratý jelileri almastyrýdy qajet etedi. Bul maqsattarǵa 326 mln. teńge bólý qajet.
Amandyq Batalov TÚKSh salasyna jetekshilik etetin orynbasarlarynyń basshylyǵymen shuǵyl túrde TÚKSh boiynsha komissiia jergilikti jerge shyǵyp, aýyz sý máselesine tolyq taldaý jasaýyn tapsyrdy.
«Jalpy respýblika boiynsha bizdiń oblystaǵy sapaly aýyz sýmen qamtý kórsetkishi eń joǵarǵy kórsetkish, iaǵni 89%-ten joǵary. Kegen aýdanynyń aýyz sý máselesi týyndap otyrǵan eldi mekenderindegi máselelerdi sheshýge tiispiz», - dep atap ótti A.Batalov.
Sonymen qatar oblys ákimi aýdandy zamanaýi jedel járdem mashinasymen, oqýshylardy tasymaldaý avtobýstarymen qamtamasyz etý, aýyl sharýashylyǵyn damytýǵa arnalǵan mikrokredit kólemin ulǵaitý týraly usynystardy qoldady. Amandyq Batalov memlekettik-jekemenshik áriptestik sheńberinde eldi mekenderdi jaryqtandyrýdy tapsyrdy.
Aýdanda joldar jóndelip jatqany da atap ótildi. Oǵan biylǵy jyly 352 mln. teńge bólindi. Bul oraida jergilikti politsiia bólimshesine shyǵarylatyn beinebaqylaý ornatý men sapaly internetpen qamtamasyz etý máselelerin sheshý kerek.
Kezdesý qorytyndysynda Amandyq Batalov búgingi berilgen barlyq tapsyrmalardyń oryndalýy turaqty baqylaýda bolatynyn aitty:
- Ásirese TÚKSh salasynda kóptegen máseleler bar. Búgingi aitylǵan máseleler boiynsha qandai sharalar qabyldandy, eldi mekenderdi aýyz sýmen qamtamasyz etý máselesiniń qalai sheshilip jatqany týraly merziminde esep berip otyrýdy tapsyramyn. Memleket qoldaýynyń arqasynda bizde mundai máselelerdi sheshýge barlyq múmkindikter bar. Sondyqtan belsendi de sapaly jumys jasaý kerek, - dedi A. Batalov.
Sol siiaqty oblys ákimi investorlarmen jumys istei otyryp árbir aýdan ákimi bedeldi, naryqta óz orny bar, josparlanǵan jobalardy sapaly júzege asyra alatyn investorlarmen deldalsyz, tikelei jumys isteýi kerektigin aitty.
