"Kedentranservis" AQ vitse-prezidenti Ǵalym Muqanov qamaýǵa alyndy, - dep habarlaidy "Ult aqparat" Tengrinews.kz agenttigine silteme jasap.
Astana qalalyq sotynyń baspasóz qyzmeti oǵan qatysty bultartpaý sharasy retinde qamaýǵa alý týraly sheshimniń qabyldanǵanyn rastady.
"Astananyń Esil aýdandyq № 2 sotynyń sheshimimen 2018 jyldyń 8 maýsymynda Muqanov Ǵalym Qasqyrbaiuly men Ývaev Dýlat Serikulyn eki aiǵa, iaǵni, 2018 jyldyń 6 tamyzyna deiin qamaýǵa alý túrindegi bultartpaý sharasy qoldanyldy", - dep habarlady sottyń baspasóz qyzmetindegiler.
"Kedentranservis" AQ saitynda jariialanǵan málimetterge qaraǵanda, Ǵalym Muqanov eńbek jolyn 1999 jyly Sýmen jáne jylýmen qamtý jáne sanitariialyq-tehnikalyq qurylǵylar distantsiiasynda ÓTB jylýmen qamtý sheberi, jetekshi injeneri retinde bastaǵan.
2000 jáne 2003 jyldar aralyǵynda "Qazaqstan temir joly" RMK EMK "Jeldorvodoteplosnabjenie" injeneri, bas mamany.
2003 jáne 2008 jyldar aralyǵynda "Temir joly" Saýda úii JAQ menedjeri, bas menedjeri, bólim bastyǵy.
2009 jáne 2011 jyldarda "Stanelektromash" Saýda úii" JShS direktorynyń kommertsiialyq suraqtar jónindegi orynbasary.
2011 jyldyń maýsym aiynan 2013 jyldyń qazan aiyna deiin "Kedentransservis" AQ Satyp alýlardy uiymdastyrý jáne materialdyq-tehnikalyq qamtý basqarmasynyń bastyǵy, Satyp alýlardy uiymdastyrý jáne sharttar monitoringisi basqarmasynyń bastyǵy.
2013 jyldan bastap "Kedentransservis" AQ satyp alýlar jónindegi atqarýshy direktory qyzmetinde boldy, al 2014 jyldyń 28 mamyrynda "Kedentransservis" AQ Satyp alýlar jónindegi Atqarýshy direktor qyzmetine taǵaiyndaldy.
2016 jyldyń 6 mamyrynan bastap "Kedentransservis" AQ Óndiristi qamtamasyz etý jónindegi vitse-prezidenttiń mindetterin atqarýshysy bolyp taǵaiyndaldy.
