QDB basshysy Abai Sarqulovtyń ókilettigi merziminen buryn toqtatyldy, - dep habarlaidy "Ult aqparat".
"Jalǵyz aktsionerdiń ("Báiterek" UBH» AQ) 24.01.2022 jylǵy sheshimimen Abai Sarqulovtyń "Qazaqstannyń damý banki" AQ (budan ári – QDB, Bank) basqarma tóraǵasy jáne direktorlar keńesiniń múshesi retindegi ókilettigi merziminen buryn toqtatyldy. 25.01.2022 jyldan bastap QDB basshysynyń mindetin atqarýshy bolyp buǵan deiin Bank basqarmasy tóraǵasynyń orynbasary qyzmetin atqarǵan Sandýǵash Kenjebaeva taǵaiyndaldy", - delingen habarlamada.
Eske salaiyq, Prezident Toqaev Qazaqstannyń Damý banki elitanyń jeke bankine ainalǵanyn aitqan bolatyn.
Abai Sarqulov 1981 jyly 13 tamyzda Aqtóbe oblysynda dúniege kelgen.
Q. Jubanov atyndaǵy Aqtóbe memlekettik ýniversitetiniń túlegi. Mamandyǵy - bank isi. Banktegi qyzmetin 2007 jyly infraqurylymdyq jobalardy kreditteý basqarmasynyń menedjerinen bastaǵan. «Damý» kásipkerlikti damytý qory» AQ atqarýshy organyn basqardy. 2019 jyly QDB Basqarmasynyń tóraǵasy retinde taǵaiyndalyp, bul laýazymda ol Bolat Jámishevtiń ornyna keldi.
25 qańtardan bastap Sandýǵash Kenjebaeva QDB basshysynyń mindetin atqarady, ol buǵan deiin Bank Basqarmasy tóraǵasynyń orynbasary bolǵan.
Aita keteiik, «Qazaqstannyń Damý Banki» AQ (QDB) - 2001 jyly qurylǵan Qazaqstan ekonomikasynyń shikizattyq emes jáne infraqurylymdyq sektorlaryn jańǵyrtý jáne damytý jónindegi ulttyq damý institýty.
