قدب باسشىسى اباي سارقۇلوۆتىڭ ٶكٸلەتتٸگٸ مەرزٸمٸنەن بۇرىن توقتاتىلدى, - دەپ حابارلايدى "ۇلت اقپارات".
"جالعىز اكتسيونەردٸڭ ("بەيتەرەك" ۇبح» اق) 24.01.2022 جىلعى شەشٸمٸمەن اباي سارقۇلوۆتىڭ "قازاقستاننىڭ دامۋ بانكٸ" اق (بۇدان ەرٸ – قدب, بانك) باسقارما تٶراعاسى جەنە ديرەكتورلار كەڭەسٸنٸڭ مٷشەسٸ رەتٸندەگٸ ٶكٸلەتتٸگٸ مەرزٸمٸنەن بۇرىن توقتاتىلدى. 25.01.2022 جىلدان باستاپ قدب باسشىسىنىڭ مٸندەتٸن اتقارۋشى بولىپ بۇعان دەيٸن بانك باسقارماسى تٶراعاسىنىڭ ورىنباسارى قىزمەتٸن اتقارعان ساندۋعاش كەنجەباەۆا تاعايىندالدى", - دەلٸنگەن حابارلامادا.
ەسكە سالايىق, پرەزيدەنت توقاەۆ قازاقستاننىڭ دامۋ بانكٸ ەليتانىڭ جەكە بانكٸنە اينالعانىن ايتقان بولاتىن.
اباي سارقۇلوۆ 1981 جىلى 13 تامىزدا اقتٶبە وبلىسىندا دٷنيەگە كەلگەن.
ق. جۇبانوۆ اتىنداعى اقتٶبە مەملەكەتتٸك ۋنيۆەرسيتەتٸنٸڭ تٷلەگٸ. ماماندىعى - بانك ٸسٸ. بانكتەگٸ قىزمەتٸن 2007 جىلى ينفراقۇرىلىمدىق جوبالاردى كرەديتتەۋ باسقارماسىنىڭ مەنەدجەرٸنەن باستاعان. «دامۋ» كەسٸپكەرلٸكتٸ دامىتۋ قورى» اق اتقارۋشى ورگانىن باسقاردى. 2019 جىلى قدب باسقارماسىنىڭ تٶراعاسى رەتٸندە تاعايىندالىپ, بۇل لاۋازىمدا ول بولات جەمٸشەۆتٸڭ ورنىنا كەلدٸ.
25 قاڭتاردان باستاپ ساندۋعاش كەنجەباەۆا قدب باسشىسىنىڭ مٸندەتٸن اتقارادى, ول بۇعان دەيٸن بانك باسقارماسى تٶراعاسىنىڭ ورىنباسارى بولعان.
ايتا كەتەيٸك, «قازاقستاننىڭ دامۋ بانكٸ» اق (قدب) - 2001 جىلى قۇرىلعان قازاقستان ەكونوميكاسىنىڭ شيكٸزاتتىق ەمەس جەنە ينفراقۇرىلىمدىق سەكتورلارىن جاڭعىرتۋ جەنە دامىتۋ جٶنٸندەگٸ ۇلتتىق دامۋ ينستيتۋتى.
