Túrkistan oblysynda otbasymen habarsyz ketken er adam tabyldy, dep habarlaidy QazAqparat.
Qazyǵurt aýdanynyń politseileri 10 kún boiy habarsyz ketken azamatty táýlik ishinde tapty.
Naqtyraq aitsaq, Qazyǵurt APB-ǵa jergilikti turǵyn kúieýi úiinen jumys isteimin dep shyǵyp ketip, sodan iz-túzsiz joǵalǵanyn habarlaǵan.
Atalǵan jaitty tártip saqshylary birden tirkeýge aldy. Azamatty tabý úshin ýchaskelik politseiler men jedel ýákilder jumyldyryldy.
Jedel sharalardyń arqasynda qatardaǵy politseiler Baqdáýlet Beisenbai men Esenǵali Tólegen ekeýi joǵalǵan jannyń júrgen jerin anyqtady.
Iaǵni ony aýyldardyń birinde mal baǵyp júrgen jerinen taýyp, aman-esen otbasymen qaýyshtyrdy.
Óz kezeginde áieli kúieýiniń din-aman tabylǵanyna qýanyp, politseilerge erekshe alǵystaryn jetkizdi. Politseilerdiń qyraǵylyǵyna shynaiy rizashylyǵyn bildirdi.
«Jalpy, jaqynyńdy joǵaltqannan aýyr eshteńe joq. Sondyqtan, bir-birimizden alystamai, qamqor bolyp, barlyq jaǵdaida túsinistikpen qarap úireneiik. Kishkentailarymyzdy baqylaýsyz qaldyrmaiyq» dep eskertedi politsiia.
