تٷركٸستان وبلىسىندا وتباسىمەن حابارسىز كەتكەن ەر ادام تابىلدى, دەپ حابارلايدى قازاقپارات.
قازىعۇرت اۋدانىنىڭ پوليتسەيلەرٸ 10 كٷن بويى حابارسىز كەتكەن ازاماتتى تەۋلٸك ٸشٸندە تاپتى.
ناقتىراق ايتساق, قازىعۇرت اپب-عا جەرگٸلٸكتٸ تۇرعىن كٷيەۋٸ ٷيٸنەن جۇمىس ٸستەيمٸن دەپ شىعىپ كەتٸپ, سودان ٸز-تٷزسٸز جوعالعانىن حابارلاعان.
اتالعان جايتتى تەرتٸپ ساقشىلارى بٸردەن تٸركەۋگە الدى. ازاماتتى تابۋ ٷشٸن ۋچاسكەلٸك پوليتسەيلەر مەن جەدەل ۋەكٸلدەر جۇمىلدىرىلدى.
جەدەل شارالاردىڭ ارقاسىندا قاتارداعى پوليتسەيلەر باقدەۋلەت بەيسەنباي مەن ەسەنعالي تٶلەگەن ەكەۋٸ جوعالعان جاننىڭ جٷرگەن جەرٸن انىقتادى.
ياعني ونى اۋىلداردىڭ بٸرٸندە مال باعىپ جٷرگەن جەرٸنەن تاۋىپ, امان-ەسەن وتباسىمەن قاۋىشتىردى.
ٶز كەزەگٸندە ەيەلٸ كٷيەۋٸنٸڭ دٸن-امان تابىلعانىنا قۋانىپ, پوليتسەيلەرگە ەرەكشە العىستارىن جەتكٸزدٸ. پوليتسەيلەردٸڭ قىراعىلىعىنا شىنايى ريزاشىلىعىن بٸلدٸردٸ.
«جالپى, جاقىنىڭدى جوعالتقاننان اۋىر ەشتەڭە جوق. سوندىقتان, بٸر-بٸرٸمٸزدەن الىستاماي, قامقور بولىپ, بارلىق جاعدايدا تٷسٸنٸستٸكپەن قاراپ ٷيرەنەيٸك. كٸشكەنتايلارىمىزدى باقىلاۋسىز قالدىرمايىق» دەپ ەسكەرتەدٸ پوليتسييا.
