Qazyǵurt APB-niń qyzmetkerleri turǵyndardyń saýlyǵy úshin karantin rejiminiń saqtalýyn qatań túrde baqylaýda, dep habarlaidy "Ult aqparat" Túrkistan oblysy politsiia departamentiniń baspasóz qyzmetine silteme jasap.
Tártip saqshylarynyń kúndelikti júrgizgen is-sharalarynyń nátijesinde Qazyǵurt aýdanynda karantin talaptaryn saqtamai, qaǵidalardyń buzylýyna jol bergen birneshe toihana iesi anyqtaldy.
Atap aitqanda, Qazyǵurt aýdanyndaǵy eldi mekenniń birinde ornalasqan toihanada 150-den astam turǵyn jinalyp, «Úilený toi» ótkizip jatqandyǵy anyqtaldy. Sonymen qatar taǵy bir toihanada 50-den astam adam bas qosyp, «Betashar» ótkizgen.
Atalǵan toi ielerine qatysty QR ÁQBtK-niń 425-baby «Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha is-qujattar jinaqtalyp, SEBB-ǵa joldandy.
