قازىعۇرت اپب-نٸڭ قىزمەتكەرلەرٸ تۇرعىنداردىڭ ساۋلىعى ٷشٸن كارانتين رەجيمٸنٸڭ ساقتالۋىن قاتاڭ تٷردە باقىلاۋدا, دەپ حابارلايدى "ۇلت اقپارات" تٷركٸستان وبلىسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
تەرتٸپ ساقشىلارىنىڭ كٷندەلٸكتٸ جٷرگٸزگەن ٸس-شارالارىنىڭ نەتيجەسٸندە قازىعۇرت اۋدانىندا كارانتين تالاپتارىن ساقتاماي, قاعيدالاردىڭ بۇزىلۋىنا جول بەرگەن بٸرنەشە تويحانا يەسٸ انىقتالدى.
اتاپ ايتقاندا, قازىعۇرت اۋدانىنداعى ەلدٸ مەكەننٸڭ بٸرٸندە ورنالاسقان تويحانادا 150-دەن استام تۇرعىن جينالىپ, «ٷيلەنۋ توي» ٶتكٸزٸپ جاتقاندىعى انىقتالدى. سونىمەن قاتار تاعى بٸر تويحانادا 50-دەن استام ادام باس قوسىپ, «بەتاشار» ٶتكٸزگەن.
اتالعان توي يەلەرٸنە قاتىستى قر ەقبتك-نٸڭ 425-بابى «حالىقتىڭ سانيتارييالىق-ەپيدەميولوگييالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ» بويىنشا ٸس-قۇجاتتار جيناقتالىپ, سەبب-عا جولداندى.
