Túrkistan oblysy Qazyǵurt aýdanynda aýdandyq densaýlyq saqtaý basqarmasynyń mamandary jáne aýdan balabaqshalarynyń basshylarymen birge seminar sabaq ótti, dep habarlaidy "Ult aqparat".
2018 jyldyń 10 jeltoqsanynda Túrkistan oblysy Qazyǵurt aýdandyq bilim bólimniń májilis zalynda aýdandyq densaýlyq saqtaý basqarmasynyń tikelei qatysýymen seminar sabaq bolyp ótti.
Atalǵan seminarǵa Túrkistan oblysy Qazyǵurt aýdandyq densaýlyq saqtaý basqarmasynyń basshysy K. Ýsipbekova men sanitariialyq-gigienalyq qadaǵalaý jáne tehnikalyq-reglamentterdiń talaptarynyń saqtalýyna baqylaý bóliminiń mamandary qatysty. Densaýlyq salasynyń mamandary Qazyǵurt aýdanyndaǵy birqatar bala baqshalarynyń basshylaryna túsindirý jumystaryn júrgizip, botýlizm jáne tamaqtan ýlanýdyń aldyn alýy jaily seminar sabaǵyn ótkizdi.
Seminardyń maqsaty - «Mektepke deiingi uiymdardarǵa jáne sábiler úilerine qoiylatyn sanitariialyq - epidemiologiialyq talaptar» sanitariialyq qaǵidalaryn bekitý týraly №615 buiryǵy talaptary jaily, QR UEM-niń 2016 jylǵy 06 maýsymyndaǵy №239 "Óndiristik baqylaýdy júzege asyrýǵa qoiylatyn sanitariialyq-epidemiologiialyq talaptar" sanitariialyq qaǵidalaryn bekitý týraly túsindirý jumystaryn júrgizý.
Sonymen qatar, balalardyń densaýlyǵyna jaýapkershilik tanytyp, qadaǵalaý júrgizý. Sondai-aq, bala organizminiń álsiz bolýyna bailanysty balabaqshada beriletin taǵam quramyna qadaǵalaý júrgizip, sanitarlyq-gigienalyq talaptardyń da qatań saqtalýy jaiynda sóz qozǵaldy.
