Foto: QR ǴJBM
Resei Federatsiiasynyń Premer-ministri Mihail Mishýstin Omby qalasynda ashylǵan ál-Farabi atyndaǵy Qazaq ulttyq ýniversitetiniń filialyna arnaiy bardy. QazUÝ — Reseide resmi túrde filial ashqan alǵashqy qazaqstandyq joǵary oqý orny, dep habarlaidy Ult.kz.
Qonaqtar qatarynda Resei ǵylym jáne joǵary bilim ministri Valerii Falkov, Omby oblysynyń gýbernatory Vitalii Hotsenko, Qazaqstan ǵylym jáne joǵary bilim ministri Saiasat Nurbek, QazUÝ rektory Janseiit Túimebaev boldy.
Delegatsiia oqý ǵimaratyn, ǵylymi kitaphanany aralap, qabyldaý komissiiasynyń jumysymen tanysty. Kitaphanada QazUÝ-dyń ǵylymi basylymdary usynyldy.
Qazirgi ýaqytta filial bakalavriattyń úsh baǵyty boiynsha stýdentter qabyldaýda:
– qazaq tili men ádebieti,
– keden isi,
– halyqaralyq quqyq.
Jospar boiynsha 200–250 stýdent qabyldanady.
