«Digital Almaty 2020» halyqaralyq forýmy aiasynda ál-Farabi atyndaǵy QazUÝ rektory, akademik Ǵalym Mutanov BUU Bas hatshysynyń orynbasary Fabritsio Hohshildpen jáne BUU Ǵalamdyq kommýnikatsiia departamentiniń ókili Vlastimil Samekpen kezdesti, – dep habarlaidy ýniversitettiń baspasóz qyzmeti.
Taraptar QazUÝ-dyń BUU «Akademiialyq yqpal» baǵdarlamasynyń turaqty damý boiynsha jahandyq haby retinde Birikken Ulttar Uiymynyń 75 jyldyǵyna arnalǵan sharaǵa qatysýyn talqylady.
Fabritsio Hohshild BUU-nyń jahandyq damý maqsaty jolynda qazaqstandyq JOO-da júzege asyp jatqan halyqaralyq bastalamar men jobalardyń mazmundylyǵyna toqtalyp, Jahandyq habty basqaryp otyrǵan QazUÝ jumysyna alǵysyn bildirdi.
Sondai-aq ol ál-Farabi mereitoiyna arnalǵan sharalardyń mańyzyn aityp, adamzat órkenietiniń turaqty damýynda ózektilikke ie bolatyn ǵulamanyń izgilikti ideialaryn nasihattaý qajettiligin jetkizdi.
