Sýret: videodan skrinshot
"QazTransGaz Aimaq" AQ Jezqazǵan filialynyń basshysy men bas mamany qala turǵyndary men sharýashylyq sýbektilerinen 70-ten 300 myń teńgege deiingi mólsherdegi zańsyz aqshalai syiaqy bopsalaǵan, dep habarlaidy "Ult aqparat" Qarjylyq monitoring agenttigine silteme jasap.
Olar bul qarajatty gazdy qosý ruqsatyn jáne tehnikalyq sharttardy jedel alý úshin talap etken.
"Óńirdegi gazdandyrý salasyndaǵy júieli problemalar QMA Ulytaý oblysy boiynsha Departamentiniń áleýmettik jelilerge monitoring júrgizýi nátijesinde anyqtaldy.
Oblys prokýratýrasynyń úilestirýimen ótkizilgen jedel is-sharalardyń nátijesi boiynsha sotqa deiingi tergeý tirkeldi. Atalǵan tulǵalarǵa qatysty "qamaýda ustaý" bultartpaý sharasy tańdaldy.
Tergeý jalǵasyp jatyr. QR QPK-niń 201-babyna sáikes ózge de aqparat jariialaýǵa jatpaidy" - delingen habarlamada.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
