"QazTransGaz Aimaq" AQ-nyń Shymkent óndiristik filialyna qatysty tekserý qorytyndysy boiynsha QR "Ákimshilik quqyq buzýshylyq týraly" Kodeksiniń 164-babynyń 4-bóligi boiynsha 4 ákimshilik hattama toltyryldy, dep habarlaidy Ulysmedia.kz UEM Tabiǵi monopoliialardy retteý komitetiniń baspasóz qyzmetine silteme jasap.
"Hattamalar tabiǵi monopoliialar týraly zańnamasynda belgilengen mindetterdi oryndamaǵany úshin toltyryldy, onda "QazTransGaz Aimaq" AQ-nyń Shymkent óndirisitik filialy berilgen tehnikalyq sharttarǵa sáikes qurylys-montajdaý jumystarynyń aiaqtalǵany týraly aqparat alyp, zańnamada belgilengen merzimderde rettelip kórsetiletin qyzmetke qosýdy júzege asyrmady, bul óz kezeginde "Tabiǵi monopoliialar týraly" Zańynyń 24 jáne 26-baptaryn óreskel buzý bolyp tabylady", – dep jazylǵan habarlamada.
Atalǵan ákimshilik isterdi Shymkent qalasynyń Ákimshilik quqyq buzýshylyqtar jónindegi mamandandyrylǵan aýdanaralyq soty qarap, sheshim shyǵarǵan.
"Sot sheshimimen "QazTransGaz Aimaq" AQ-nyń Shymkent óndirisitik filialy jalpy somasy 18 378 000 teńgege ákimshilik aiyppul salynýymen ákimshilik jaýapkershilikke tartyldy", – deidi UEM Tabiǵi monopoliialardy retteý komiteti.
