Qazaqstan Respýblikasy Ulttyq ekonomika ministrligine qarasty tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komiteti «Qazteleradio» AQ-ǵa qatysty júrgizilgen tekserýdi aiaqtady, dep habarlaidy "Ult aqparat".
Tekserý, atap aitqanda, Qazaqstan Respýblikasy Kásipkerlik kodeksiniń 174-babynyń 2-tarmaqshasynda kózdelgen ústem nemese monopoliialyq jaǵdaidy teris paidalaný zańnamasynyń buzylýyna bailanysty júrgizildi.
«Aktsionerlik qoǵamnyń áreketterinde telekommýnikatsiialyq jabdyqtardy saqtaý jónindegi qyzmetterge naryq sýbektilerimen nemese tutynýshylarmen jasalǵan máni birdei kelisimderge obektivti túrde aqtalmaityn sebeptermen ártúrli baǵalardy nemese ártúrli sharttardy qoldaný boiynsha el zańnamasyn buzý faktisi anyqtaldy. Almaty qalasynyń mamandandyrylǵan aýdanaralyq ákimshilik soty 2018 jylǵy 20 qarashadaǵy qaýlymen atalmysh kompaniiany quqyq buzýshylyq jasaǵany úshin kináli dep tanydy jáne 11 618 205,36 teńge mólsherinde aiyppul saldy» delingen habarlamada.
Budan basqa, aktsionerlik qoǵamǵa Kásipkerlik kodeksiniń normalaryn buzý faktilerin toqtatý jáne onyń saldaryn joiý jóninde nusqama berildi.
