Búgin, 2021 jyldyń 28 sáýirinde Kazsat-3 qazaqstandyq bailanys jáne habar taratý spýtniginiń ushyrylǵanyna 7 jyl toldy, dep habarlaidy QazAqparat.
Kazsat-3 ǵaryshtyq apparatyn jáne «Lých-5V» retransliator spýtnigin orbitaǵa shyǵarǵan «Proton-M» tasymaldaýshy zymyrany «Briz-M» údemeli blogymen 2014 jyldyń 28 sáýirinde Baiqońyr ǵarysh ailaǵynyń №81 alańynan ushyryldy.
Úshinshi qazaqstandyq bailanys jáne habar taratý spýtnigi «Respýblikalyq ǵaryshtyq bailanys ortalyǵy» AQ, «M.F. Reshetneva atyndaǵy «Aqparattyq spýtniktik júie» AAQ, Thales Alenia Space-pen (Italiia) tapsyrysymen daiyndalǵan.
Kazsat-3-tiń óziniń orbitalyq jaiǵasymy bar – shyǵystyq uzyqtyqtyń 58,5 gradýsy, spýtniktiń jumys resýrsy 15 jylǵa jaramdy.
Mamandardyń aitýynsha, qazaqstandyq bailanys jáne habar taratý spýtnigin qurýda ǵaryshtyq apparattyń aldyn ala belgilengen sipattamasy men senimdiliktiń kerekti deńgeiin qamtamasyz etýge múmkindik beretin zamanaýi tehnikalyq sheshimder paidalanyldy. «Spýtniktiń obritadaǵy 7 jylynda onyń maqsatty mindetine áser etetin birde-bir oqys jaǵdai tirkelmedi. Búgingi kúni Kazsat-3 78%-ǵa júktelgen, jáne onyń qyzmetterine degen suranys artýda», - dedi «Aqkól» ǴBO direktory Qairat Telǵarin.
Kazsat-3-tiń teleradio habarlaryn taratý, telefoniia, derekterdi jetkizýge arnalǵan qyzmet kórsetý aimaǵy Qazaqstan Respýblikasynyń barlyq aýmaǵyn, Reseidiń ortalyq bóligin, Ortalyq Aziia elderin qosady.
