Astana qalasynda «Qazposhta» AQ-nyń iri jobasy fýlfilment ortalyǵy iske qosyldy.
Alǵash iske qosylyp otyrǵan mundai ortalyqtyń basty ereksheligi, internet-dúkenniń iesine taýarlardy qabyldap, suryptap, saqtap jáne odan ári ielerine jetkizý syndy qyzmet túrleri kórsetiledi.
Fýlfilment-ortalyǵy Astana jáne Almaty qalalarynda qyzmetterin bastady.
Shara barysynda Asqar Jumaǵaliev «Qazpochta» AQ-nyń kásipkerler úshin ashqan alǵashqy fýlfilment ortalyǵynyń ishki tynys-tirshiligimen tanysty. Ol ortalyq tarapynan aldaǵy ýaqytta el ekonomikasyn aitarlyqtai kóteretin nátijeli kórsetkishter kútetinin aitty.
«Sizder bilesizder, shaǵyn jəne orta kəsipkerlikti Elbasynyń ózi qoldap otyr. Sonyń negizinde búginde salyq kodeksine ózgerister engizildi. Atalǵan ózgeristerge səikes kəsipkerlerdiń salyq tóleýi jeńildedi. Onyń elektrondyq saýdaǵa da qatysy bar, sondyqtan úkimet sizderden nətijeli jumys kútedi. Eń bastysy, el ekonomikasyn damytýda jańa jumys oryndarynyń ashylýy, bul qýantarlyq jaǵdai», – dep málimdedi vitse-premer.
Ortalyq kásipkerlerdiń taýardy iesine jetkizýin jeńildetip qana qoimai, odan basqa qoimalarmen, bailanys ortalyqtarymen, logistika jáne qyzmetkerler quramymen qamtamasyz etý shyǵynyn aitarlyqtai azaitýǵa kómektesedi.
«Internet-saýda mádenietiniń damýymen qatar, qazaqstandyqtardyń ony jetkizip berýge degen talaby da artty. Qazir biz jetkizý merzimderin qysqartý boiynsha jumystar júrgizip jatyrmyz, halyqaralyq kýrerlik jáne logistikalyq kompaniialarmen jáne poshta operatorlarymen yntymaqtastyq ornattyq. Qazirgi kúni jalpy aýdany 3 myń sharshy metrlik qoimada 20 internet-dúkenniń 600 myń taýary saqtalǵan. Jyl basynan beri 700 myńnan astam jóneltimder óńdelip, tutynýshylarǵa jetkizildi» – dedi «Qazposhta» AQ basqarma tóraǵasy Sáken Sársenov.
Aityp ótý kerek, osyndai ortalyqtar qurý 2018-2020 jyldarǵa arnalǵan Qazaqstan Respýblikasynda elektrondyq kommertsiiany damytýdyń jol kartasynda bekitilgen.
