«Qazposhta» AQ sálemdemede joǵalǵan telefon týraly aqparat úshin sotqa júginedi. Bul týraly «Qazposhta» AQ táýekelder jáne komplaens jónindegi basqarýshy direktory Nurqanat Nuraqynov aityp berdi, dep habarlaidy QazAqparat.
«Ishki qyzmettik tekserý rastaǵandai, Qazposhta» AQ-ǵa qatysty taratylǵan málimetter shyndyqqa sáikes kelmeidi. Osyǵan bailanysty biz kompaniianyń imidjdik iskerlik bedeline nuqsan keldi dep esepteimiz, óitkeni osyndai aqparattyń taralýynan qoǵamnyń iskerlik bedelge teris áseri qalyptasady», - dedi N. Nuraqynov «Qazposhta» ǵimaratynda ótken brifingide.
Osyǵan bailanysty, spikerdiń aitýynsha, kompaniia zańdy múddelerin qorǵaý úshin azamattyq sot isin júrgizý tártibinde sot organdaryna júginýge májbúr.
«Tiisti quzyretti organdar kompaniiaǵa qatysty aqparat taratqan adamnyń is-áreketine quqyqtyq baǵa beredi. Sonymen birge, eldiń azamattyq zańnamasynda kózdelgen tártippen kompaniia kináli adamnyń teris málimet taratýynan kelgen yqtimal zalaldy óteýi máselesin qarastyrady», - dep túiindedi N. Nuraqynov.
Aita keteiik, 10 aqpanda birqatar BAQ-ta elorda turǵyny Ilia Grishko týraly siýjet shyqqan edi. Onda I. Grishko «Qazposhta» sálemdemesinde ózi tapsyrys bergen uialy telefonnyń joǵalýyna shaǵymdanǵan.
