"Qazposhtanyń" eki qyzmetkeri 40 million teńgeni jymqyrdy degen kúdikke ilindi, dep habaraidy Sputnik.
Batys Qazaqstan oblysy boiynsha ekonomikalyq tergeý departamentiniń habarlaýynsha, "Qazposhta" bólimsheleriniń biriniń eki qyzmetkeri JShS ókili kásiporynnyń shotyna aýdarý úshin tapsyrǵan aqshanyń bir bóligin iemdenip alǵan. Keltirilgen shyǵyn kólemi 33 million teńgeden asty.
Sonymen qatar áielder senimge qiianat jasap, zeinetkerlerdiń jeti million teńgeden astam aqshasyn iemdendi degen kúdikke ilindi, dep jazdy "Moi gorod".
Áielderge qatysty Qylmystyq kodekstiń 189-baby "Senip tapsyrylǵan bótenniń múlkin iemdený nemese talan-tarajǵa salý" boiynsha sotqa deiingi tergeý bastaldy.
Kúdikke ilingen Batys Qazaqstan oblysynyń eki turǵyny ustalyp, ýaqytsha ustaý izoliatoryna qamaldy.
