"قازپوشتانىڭ" ەكٸ قىزمەتكەرٸ 40 ميلليون تەڭگەنٸ جىمقىردى دەگەن كٷدٸككە ٸلٸندٸ, دەپ حابارايدى Sputnik.
باتىس قازاقستان وبلىسى بويىنشا ەكونوميكالىق تەرگەۋ دەپارتامەنتٸنٸڭ حابارلاۋىنشا, "قازپوشتا" بٶلٸمشەلەرٸنٸڭ بٸرٸنٸڭ ەكٸ قىزمەتكەرٸ جشس ٶكٸلٸ كەسٸپورىننىڭ شوتىنا اۋدارۋ ٷشٸن تاپسىرعان اقشانىڭ بٸر بٶلٸگٸن يەمدەنٸپ العان. كەلتٸرٸلگەن شىعىن كٶلەمٸ 33 ميلليون تەڭگەدەن استى.
سونىمەن قاتار ەيەلدەر سەنٸمگە قييانات جاساپ, زەينەتكەرلەردٸڭ جەتٸ ميلليون تەڭگەدەن استام اقشاسىن يەمدەندٸ دەگەن كٷدٸككە ٸلٸندٸ, دەپ جازدى "موي گورود".
ەيەلدەرگە قاتىستى قىلمىستىق كودەكستٸڭ 189-بابى "سەنٸپ تاپسىرىلعان بٶتەننٸڭ مٷلكٸن يەمدەنۋ نەمەسە تالان-تاراجعا سالۋ" بويىنشا سوتقا دەيٸنگٸ تەرگەۋ باستالدى.
كٷدٸككە ٸلٸنگەن باتىس قازاقستان وبلىسىنىڭ ەكٸ تۇرعىنى ۇستالىپ, ۋاقىتشا ۇستاۋ يزولياتورىنا قامالدى.
