26 qazanda Almatydaǵy SmArt.Point kovorkinginde Qazposhtanyń e-kommertsiia ortalyǵy ashyldy. Bul týraly «Qazposhta» AQ-nyń Basqarma tóraǵasy Sáken Sársenov óziniń Facebook paraqshasynda jazdy.
«Munda bizdiń mamandar qalaǵandarǵa óziniń internet-dúkeniń ashýmen qatar aýtsorsingte bailanys ortalyǵyn, satý bólimin, fýlfilment qyzmetin, logistika, býhgalterlik súiemeldeý, foto men video túsirilim, jarnamalyq materialdardy daiyndaý siiaqty qyzmetterdi usynady. Sonymen qatar álemdik internet-alańdarynda taýarlaryńyzdy ornalastyrýǵa kómektesedi», - dep jazady S. Sársenov.
Elektrondy saýda ortalyǵynyń ashylýyna internet-dúken ieleri men bolashaq elektrondy saýdamen ainalysýdy josparlaǵan azamattar qatysty. Onda Qazposhtanyń fýlfilment-ortalyqtarynyń múmkindikteri men biznes qaýymdastyq úshin CRM-júiesin engizýdiń mańyzdylyǵy týraly aityldy.
«Bizdiń seriktester – digital jáne internet-marketing boiynsha mamandar onlain-saýdanyń tiimdi quraldary men internet-dúkenderdiń saýda bóliminiń negizgi mindetteri týraly aitty», - dedi Basqarma tóraǵasy.
Onyń sózinshe, mundai ortalyqtar «Tsifrlyq Qazaqstan» memlekettik baǵdarlamasy men Qazposhtanyń transformatsiialyq josparynyń aiasynda ashylýda.
Aita keteiik, elimizde e-kommertsiiany damytý maqsatynda kóptegen jumystar atqarylyp jatyr. Elektrondyq saýdany alǵa jyljytýǵa arnalǵan memlekettik baǵdarlama da bar. 1-shi qańtardan bastap kásipkerler tólemdi onlain format arqyly júzege asyratyn bolady.
