Is-sharaǵa Aqtóbe oblysynyń ákimi Berdibek Saparbaev, Aqtóbe qalasynyń ákimi Iliias Ispanov, «Qazposhta» AQ táýekelder men sáikestik boiynsha basqarýshy direktory Nurqanat Nurakinov, «Qazposhta» AQ poshta qyzmetteri jónindegi atqarýshy direktory Sáýle Egemberdieva, «Qazposhta» AQ Aqtóbe oblystyq filialynyń direktory Serik Berdenov qatysty.
Aqtóbede iri poshta haby ashyldy, oǵan Belarýs, Resei, Moldova, Qyrǵyzstan, Ózbekstannan keletin sálemdemeler, sondai-aq TMD elderinen Qytaiǵa jóneltimder jáne jergilikti jóneltimder jetkiziletin bolady. Olar habtyń aýmaǵynda kedendik baqylaýdan jáne suryptaýdan ótedi. Bul sálemdemelerdi jetkizý ýaqytyn birneshe kúnge azaitýǵa kómektesedi.
«Qazirgi ýaqytta Qazaqstanda 2 hab iske qosyldy: Almatyda jáne Astanada, buǵan deiin sálemdemelerdiń kópshiligi Almatynyń suryptaý ortalyǵyna jetkizildi, endi Eýropa jáne TMD elderinen jóneltimder Aqtóbede suryptalady jáne kedendik baqylaýdan ótedi. Bul sálemdemelerdi satyp alýshylarǵa jetkizý ýaqytyn 6 kúnge deiin qysqartýǵa múmkinshilik berip, Almatydaǵy logistikalyq ortalyqqa júktemeni azaityp, poshtalyq aiyrbastaýdyń taǵy bir tranzittik núktesin alyp tastaidy», - dedi «Qazposhta» AQ poshta qyzmetteri jónindegi atqarýshy direktory Saýle Egemberdieva.
Eger buryn Aqtóbede kúnine 6000-ǵa jýyq jóneltimder óńdelse, logistikalyq ortalyǵynyń ashylýymen, óńdelgen poshta kólemi táýligine 20-25 myńǵa deiin ósedi.
Jańadan ashylǵan logistikalyq jáne suryptaý ortalyǵynyń jalpy aýmaǵy 3500 sh.m.jáne kedendik baqylaý men tekserý aimaqtarymen jabdyqtalǵan. Sondai-aq, habta jylyna 160 myńǵa jýyq sálemdelerdi óńdeýge daiyn fýlfilment ortalyǵy ornalysqan. Ortalyq internet-dúkenderge tapsyrysty qabyldaý, saqtaý, óńdeý jáne sálemdemelerdi jetkizý sekildi birqatar qyzmetterdi usynady. Sonymen qatar, internet-dúkender taýarlardy fýlfilment ortalyǵynda ornalastyrý arqasynda logistika, taýarlarǵa arnalǵan qoimalardy, personaldy jaldaý jáne basqa da shyǵyndardy barynsha azaitady, sálemdemelerdi jetkizý ýaqytyn qysqartady.
Fýlfilment ortalyǵynyń qyzmetterimen qatar, «Qazposhta» óz klientterine tolyqtai qarjy infraqurylymyn (jeke óńdeý qyzmetteri, tólem quraldary) usynady.
