Respýblikalyq biýdjettiń atqarylýyn baqylaý jónindegi esep komitetiniń kezekti otyrysynda «Qazpochta» AQ aktivterin basqarý tiimdiligine júrgizilgen aýdittiń qorytyndylary qaraldy. Bul jaiynda Esep komitetiniń resmi saity habarlady.
Otyrysqa beinekonferentsiia rejiminde Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrliginiń, «Qazpochta» AQ ókilderi qatysty.
«Qazpochta» AQ - ulttyq poshta operatory.
Qoǵam eldegi 3024 óndiristik obektisi bar eń úlken filialdyq jelige ielik etedi, onyń ishinde ortalyq operatsiialyq ýchaskiler – 187, poshta bailanysynyń statsionarlyq bólimshesi – 2 026, poshta bailanysynyń pýnktteri – 508, poshta bailanysyń jyljymaly bólimshesi - 106, tólemderdi qabyldaý pýnkteri – 197.
Qazirgi zamanǵy poshta bailanysy el ekonomikasyn damytýǵa eleýli úles qosady jáne aýyldyq jerlerde neǵurlym qajetti áleýmettik mańyzy bar qyzmetterdi kórsetýde ekonomikalyq jáne áleýmettik júktemeni alyp júredi.
Budan basqa, 2018 jyldan 2020 jylǵa deiingi kezeńge júrgizilgen aýdit qorytyndylary boiynsha birqatar anyqtalǵan problemalar bar.
Atap aitqanda, «Qazpochta» AQ qyzmettiń túiindi strategiialyq kórsetkishterin oryndamaǵan. Máselen, 2018 jyly QTK 29% (7 kórsetkishtiń 2), 2019 jyly 72% (7 kórsetkishtiń 5) jáne 2020 jyly qyzmettiń túiindi kórsetkishteriniń 86% (7 kórsetkishtiń 6) qol jetkizilmegen.
Sońǵy 3 jylda «Qazpochta» AQ Dúniejúzilik poshta odaǵynyń reitingisinde júieli túrde tómen túsýde (2017 jyly - 46 oryn, 2018 jyly – 49 oryn, 2019 jyly – 52 oryn).
«Qazpochta» AQ-nyń reitingtegi tómendeý qarqynyn eskere otyryp, Dúniejúzilik poshta odaǵynyń nusqasy boiynsha 20 jetekshi poshta kompaniialarynyń qataryna kirý qoiylǵan maqsatyna qol jetkize almaý táýekeli bar.
2017 jyldan bastap «Qazpochta» AQ-nyń aýyldyq jerde bailanystyń ámbebap qyzmetterin kórsetýden bolǵan shyǵyndary sýbsidiialanýda.
Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrligi «Qazpochta» AQ-nyń paidasyna negizdelmegen sýbsidiialar tóleýge ákep soqqan buzýshylyqtarǵa jol berdi. Osylaisha, qalalyq jerde jazylý boiynsha merzimdi baspasóz basylymdaryn taratý jónindegi qyzmetterdi kórsetý kezinde shyǵyndar ótelgen.
Túrkistan qalasynda bir jyl buryn salynǵan jáne paidalanýǵa berilgen quny 1 mlrd. teńge bolatyn Tsifrlyq ofis ǵimaraty qazirgi ýaqytta paidalanylmaidy.
Ǵimarat tolyq daiyn bolmai jáne jobalyq-smetalyq qujattamaǵa sáikessizdikte paidalanýǵa qabyldandy.
Memlekettik aýdit nátijesi boiynsha 163,9 mln teńge somasyna qarjylyq buzýshylyqtar, onyń ishinde býhgalterlik eseptilik boiynsha 0,6 mln teńge somasyna, tiimsiz josparlaý - 678,3 mln teńge, tiimsiz paidalaný - 47,4 mln teńge, 6,9 mln teńge somasyna ekonomikalyq shyǵyndar, sondai-aq 32 rásimdik buzýshylyq faktisi jáne 2 júieli jetispeýshilik anyqtaldy.
Otyrys qorytyndysy boiynsha Esep komiteti Úkimetke, Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrligine normativtik quqyqtyq aktilerdi jetildirý, aktivterdi basqarýdyń, biýdjettik sýbsidiialardy basqarý men paidalanýdyń tiimdiligin qamtamasyz etý boiynsha tiisti usynymdar berdi.
«Qazpochta» AQ-na anyqtalǵan buzýshylyqtardy joiý, salalyq zańnama talaptaryn saqtaýdy qamtamasyz etpegen laýazymdy tulǵalardyń jaýapkershigin qaraý boiynsha tapsyrmalar berildi.
Ákimshilik quqyq buzýshylyqtar týraly isterdi qaraýǵa ýákiletti organdarǵa 2 material jiberildi.
