Foto: Time.kz
Keshe belgili jýrnalist Mihail Kozachkov ustaldy, dep jazady BAQ.KZ portaly.
Agenttik taratqan málimetke sáikes, Kozachkov «Qospaevtyń uiymdasqan qylmystyq tobyna reiderlik basyp alýlar jasaýǵa kómektesken» degen kúdikke ilinip otyr.
"Qospaev pen onyń sybailastary tanymal kásipkerlerdiń biznesin tartyp alýy teris qoǵamdyq rezonans týdyratynyn túsinip, Kozachkovtyń qyzmetterin reiderlik basyp alý qurbandaryna aqparattyq shabýyl jasaý maqsatynda paidalandy. Óz kezeginde, Kozachkov quqyq qorǵaý organdarynda kóp jyldyq tájiribesi bar dosy Býrhan Janseiitovty iri kólemdegi syiaqyǵa UQT múshelerine sybailastyq jasaýǵa tartty. Sońǵysy óziniń burynǵy bailanystary arqyly UQT qajettilikteri úshin, sonymen qatar keiin jariialaýǵa arnalǵan aiyptaityn aqparattardy jinady. Sonymen qatar, Janseiitov Kozachkovqa Telegramm-kanalyn moderatsiialaýǵa kómektesti, atap aitqanda, jýrnalistiń jariialanymdarynyń astyna UQT basqa múshelerimen birigip, kommentariiler ornalastyrý arqyly qoǵamdyq pikir qalyptastyrdy. Posttarǵa jaǵymsyz pikirler qaldyrǵan jazbalardy óshirip, paidalanýshylardy buǵattap otyrǵan", - delingen agenttik habarlamasynda.
Tergeý barysynda Janseitov pen Kozachkovtyń óz qyzmettir úshin UQT múshelerinen 52 mln teńge syiaqy alǵany dáleldendi dep aqparat taratady.
"Kásipker Ábdiǵapparovtyń sheshesi Júnisbekovaǵa tiesili «Esentai siti» jobasyndaǵy úlesti reiderlik basyp alý piǵylyn iske asyrý úshin Kozachkov Ábdiǵapparovtyń bedelin túsiretin birqatar maqala jariialady. Bul rette jýrnalist "Buqaralyq aqparat quraldary týraly" zań talaptaryn óreskel buzdy, óitkeni keibir jaǵdailarda ol kórineý jalǵan málimetterdi, sondai-aq banktik, otbasylyq jáne basqa da zańmen qorǵalatyn qupiiaǵa qatysty derekterdi taratty. Osy jyldyń sáýir aiynda kásipker Abdýllaev Qospaevtyń UQT múshesi – Shalin Rýslan tarapynan shyny ydystar shyǵaratyn zaýytty reiderlik basyp alý faktisi týraly jurtshylyqqa júgindi, olar zańdy menshik iesin basqarýdan shettetýge tyrysty. Jolǵa qoiylǵan shema boiynsha, UQT múddesi úshin áreket ete otyryp, Kozachkov zaýyt iesiniń bedelin túsiretin birqatar maqalalar jariialady. Bul rette Almaty oblysy turǵyndarynyń alkogol ónimimen ýlanýy jáne jábirlenýshiniń qasaqana kisi óltirýge qatysy bar ekendigi týraly kórineý jalǵan málimetter taratyldy", - delingen habarlamada.
Aqparat tarai sala Aqparat jáne qoǵamdyq damý ministri Darhan Qydyráli jýrnaliske qatysty pikir bildirdi.
"Áriptesimiz Mihail Kozachkovqa qatysty jaǵdaidan QR Qarjy monitoringi agenttiginiń aqparaty arqyly habardar boldyq. Jaǵdai ministrliktiń jiti qadaǵalaýynda. Qazir tergeý jumystary júrip jatqandyqtan, buǵan qatysty qandai da bir pikir aityp, baǵa berýge erte. Degenmen ol obektivti júredi dep senemiz", – dep jazdy ministr Facebook-tegi paraqshasynda.
Jýrnalistiń isti bolýyna qatysty jeli qoldanýshylarynyń pikiri ekige jaryldy. Biri kinási bar dep jazsa, endi biri jala jabyldy dep otyr.
Jýrnalis Rishat Asqarbekulynyń pikirinshe, Mihail Kozachkov - máseleni jeter jerine jetkizip jazýymen jáne kásipqoilyǵymen erekshe jýrnalist.
"Shyndyǵynda ádildik izdegen kópshilik Kozachkovty izdeitin. Eń sońǵy instantsiiadan jeńilgende osy jýrnalistke júginýge, qansha surasa da tóleýge daiyn turady eken degendi qulaǵymyz shalatyn. Kozachkov sońǵy ýaqyttary quqyq qorǵaý salasyna qatty shúilikti. Ásirese sot júiesindegi ádiletsizdikter týraly seriialy maqalalalary myqty edi. Bilik organdary da ishtei sanasatyn jýrnalist qatelespesem, Nurseiit Jylqyshybaiǵa bergen suqbatynda aqshaǵa tapsyrys oryndamaimyn, degen bolatyn. Sońǵy eki aptada onyń izine túskender jýrnalistiń Almatydaǵy elitaly aýdandarda páterleri bar dep jazdy. Ol óziń telegram kanalynda dúnie-múlkiniń qaidan kelgeni týraly da jaýap berdi", - dedi ol.
"Dese de úlken oiyndarǵa aralasyp júrgendikten, óte qyraǵy bolýy kerek pe edi?!" - deidi Asqarbekuly.
"Maks Frai degen atpen tanymal jazýshy bylai deidi: «Chelovek vsegda rasslabliaetsia i teriaet bditelnost, vyiasniv, chto zaplanirovannaia nepriiatnost slýchitsia ne priamo seichas, a nemnogo popozje…» Adam bosańsyp, qyraǵylyqty joǵaltqanda, aqsha nemese adaldyq jolynan tez taidyratyn áreketterge kóz jumyp, bara beredi. Bul ásirese memleket qarjysyn urlaityn sheneýnik ataýlyǵa tán qubylys. Kúnderdiń kúninde barmaq tistep, bári de kesh ekenin uǵyp jatady. Sliv, derekkóz, tekserilgeni bar, tekserilmegeni bar aqparat aǵynynyń ishinde júrý- basty qaýip-qaterge tigýmen teń. Mihaildyń belsheden bylyqqa batqan qylmystyq toptyń arbaýyna túskeni ókinishti. Resmi organdardyń keshe taratqan aqparatyna qaraǵanda, las tirlikke aralasqany opyq jegizip otyr. Sondyqtan aqtalyp shyqsa dep tileimiz! Ol jumys isteitin «Vremia» gazetiniń redaktsiiasy jýrnalistiń ustalýyna orai pikir bildirdi. Mihail ár materialyn fakt jáne dáleldermen shegelep jazatyn, sondyqtan is ádil tergelýi kerek, depti. Bári sátimen bolǵai!", - deidi jýrnalist.
Zańger Lázzat Ahatova eger azamat qandai ispen ustalsa, demek oǵan negiz bar ekenin jazdy.
"Osy men birnársege túsine almaimyn. Bireý ustalsa, nege tergeý jumystaryna muryndaryn tyǵyp, anyq-qanyǵyna kóz jetkizbei jatyp, «Svoboda Pálensheevý, Túgensheevoi» dep, bes tiyndaryn qystyryp ketedi, eldiń bári? Eldiń bári tegis prokýror, qorǵaýshy nemese sot dep oilap qalasyń, sondai kezde. Ustaldy ma, demek negiz bar. Organdar oinap júr me, qoi baǵyp júr me? Árkim óz jumysyn jasap júr. Nege tergeý isine aralasyp ketemiz, urandatyp? Jaqsy adam shyǵar, aralasqan shyǵarsyzdar. Keremet kásibi maman shyǵar. Biraq kózi ádemi eken, minezi ádemi eken dep, zańǵa qaishy istegen áreketterine kóz jumyp, tanystary aityp jatyr dep, quqyqtyq jaýaptylyqtan bosata salmaityn shyǵar? Qorǵaýshylary basy-qasynda júrip, materialdardy zerttep, organdar tarapynan ketken zań buzýshylyqtar týraly málimdeme jasap jatsa, bólek áńgime", - dedi maman.
Onyń aitýynsha, quqyqtyq zaiyrly memlekettiń azamattary mundai protsesti túsinýi kerek.
"Kozachkov ustalypty. Sybailastarymen birge. Bopsalaýǵa qatysqan. Soǵan qatysty urandardy kórip, kep qalǵan oi ǵoi. Jalpy, el aldynda júrgen tanymal degen blogerlerdiń ishinde bopsalaýǵa qatysatyndary az emes. Ásirese ataǵyna maldanǵandar úlken tapsyrystar oryndaidy. Belgili bir laýazym ielerin oryndarynan ketirý úshin, el aldyndaǵy abyroiyn tógý úshin. Qazirgi qoǵam belsendileriniń kóbi osy baǵytta jumys isteidi. Sondailardy qoldap júrgen joǵarydaǵy «qoldaýshylary» aqiqat ashylǵanda, ózderińiz uialyp nemese jaýap berip qalmasańyzdar boldy", - dedi ol.
