Qaznette koloniiada júrgen Talǵat Ermegiiaevtiń videosy tarady, - dep habarlaidy Tengrinews.kz.
Videodan onyń bokstasyp jatqanyn kórýge bolady.
Qylmystyq-atqarý júiesi komitetiniń Almaty oblysy boiynsha departamenti (QAJD) beinejazbaǵa túsinikteme berdi. Vedomstvo málimetinshe, video 2019 jyly Almaty oblysy QAJ mekemesi jasaqtarynyń birinde túsirilgen.
"Videodaǵy adamdar 2021 jyldan beri bir-birinen bólek kamerada ornalasqan. Keiinirek olardyń biri koloniiadan bosap shyqty", - dedi vedomstvo ókilderi.
QAJD málimetinshe, 2021 jyldyń naýryzynda mekemedegi tintý is-sharalary barysynda sporttyq qural-jabdyqtar tárkilendi.
"2022 jyly 29 naýryzda osy videonyń taraýyna bailanysty sottalǵandar jazasyn ótep jatqan kameralardy aralap shyqty - qandai da bir tyiym salynǵan zattar tabylǵan joq. Anyq-qanyǵyn bilý úshin qyzmettik tergeý bastaldy, onyń nátijeleri boiynsha tiisti sharalar qabyldanatyn bolady", - delingen Almaty oblysy boiynsha QAJD baspasóz qyzmetiniń habarlamasynda.
