قازنەتتە كولونييادا جٷرگەن تالعات ەرمەگيياەۆتٸڭ ۆيدەوسى تارادى, - دەپ حابارلايدى Tengrinews.kz.
ۆيدەودان ونىڭ بوكستاسىپ جاتقانىن كٶرۋگە بولادى.
قىلمىستىق-اتقارۋ جٷيەسٸ كوميتەتٸنٸڭ الماتى وبلىسى بويىنشا دەپارتامەنتٸ (قاجد) بەينەجازباعا تٷسٸنٸكتەمە بەردٸ. ۆەدومستۆو مەلٸمەتٸنشە, ۆيدەو 2019 جىلى الماتى وبلىسى قاج مەكەمەسٸ جاساقتارىنىڭ بٸرٸندە تٷسٸرٸلگەن.
"ۆيدەوداعى ادامدار 2021 جىلدان بەرٸ بٸر-بٸرٸنەن بٶلەك كامەرادا ورنالاسقان. كەيٸنٸرەك ولاردىڭ بٸرٸ كولونييادان بوساپ شىقتى", - دەدٸ ۆەدومستۆو ٶكٸلدەرٸ.
قاجد مەلٸمەتٸنشە, 2021 جىلدىڭ ناۋرىزىندا مەكەمەدەگٸ تٸنتۋ ٸس-شارالارى بارىسىندا سپورتتىق قۇرال-جابدىقتار تەركٸلەندٸ.
"2022 جىلى 29 ناۋرىزدا وسى ۆيدەونىڭ تاراۋىنا بايلانىستى سوتتالعاندار جازاسىن ٶتەپ جاتقان كامەرالاردى ارالاپ شىقتى - قانداي دا بٸر تىيىم سالىنعان زاتتار تابىلعان جوق. انىق-قانىعىن بٸلۋ ٷشٸن قىزمەتتٸك تەرگەۋ باستالدى, ونىڭ نەتيجەلەرٸ بويىنشا تيٸستٸ شارالار قابىلداناتىن بولادى", - دەلٸنگەن الماتى وبلىسى بويىنشا قاجد باسپاسٶز قىزمەتٸنٸڭ حابارلاماسىندا.
