"QazMunaiGaz" UK AQ-tyń burynǵy basqarýshy direktory Ibýlla Serdige izdeý jariialandy, - dep habarlaidy "Ult aqparat" Qarjy monitoringi agenttigine silteme jasap.
"Qarjy monitoringi agenttigi "QazMunaiGaz" UK AQ burynǵy basqarýshy direktory, 31.01.1976 jyly týǵan Serdi Ibýlla Jumaǵululyna izdeý jariialady.
Azamat Ibýlla Serdi adamdar tobymen aldyn ala sóz bailasý arqyly asa iri mólsherde bótenniń senip tapsyrylǵan múlkin jymqyrdy degen kúdikke ilindi.
Izdeýdegi kúdiktini anyqtaǵan nemese onyń shamamen ornalasqan jeri týraly qandai da bir aqparat alǵan kezde agenttiktiń +7 7172 708 478, +7 7172 767 921 senim telefondaryna habarlaýdy suraimyz. Nemese Nur-Sultan qalasy Beibitshilik kóshesi, 10 mekenjaiy boiynsha aqparat berýge bolady", - delingen habarlamada.
Ibýlla Serdi 1976 jyly 31 qańtarda Mańǵystaý oblysynda dúniege kelgen. Injener-ekonomist jáne munai-gaz isi mamandyǵyn alǵan.
Ol 2003 jyldan beri gaz salasynda eńbek etti. 2009 jyldan bastap "QazTransGaz Aimaq" AQ-da, 2016-2018 jyldar aralyǵynda "QazMunaiGaz" UK AQ-da jumys istedi.
Onyń sońǵy qyzmeti – "QazaqGaz" UK" AQ basqarma tóraǵasynyń mindetin atqarýshy.
