QazMunaiGaz kompaniiasy ońtailandyrý jumysyn bastady. Bul týraly QR Energetika ministri Nurlan Noǵaev Ortalyq kommýnikatsiialar qyzmetinde ótken onlain brifingte aitty, – dep habarlaidy "Ult aqparat".
«QazMunaiGaz kompaniiasy ońtailandyrý jumystaryn apparattyq ortalyqtan bastady. Bul úrdis óziniń qaramaǵyndaǵy enshiles mekemelerde ári qarai jalǵasyn tabatyny sózsiz. Biraq bul jumysshylarǵa kóp áserin tigizbeýi kerek degen usynys bar. QazMunaiGaz kompaniiasynyń ustanymy osyndai», - deidi QR Energetika ministri Nurlan Noǵaev.
Onyń aitýynsha, ońtailandyrý jumysy jumyssyzdardy jappai qysqartýǵa alyp kelmeidi.
«Óńirlerge qoiylatyn basty talap – munai salasyndaǵy qyzmetkerlerdi sebepsiz jumystan bosatýdy boldyrmaý», - deidi ol.
