Foto: sputnik.kz
"QazMunaiGaz" ereýilge shyqqan "Ózenmunaigaz" AQ qyzmetkerlerin jumysqa shyǵýǵa shaqyrdy, dep habarlaidy kompaniianyń baspasóz qyzmeti.
3 jeltoqsanda "QazMunaiGaz" UK AQ basqarma tóraǵasynyń orynbasary Bekzat Abaiyldanov Burǵylaý jumystary basqarmasy qyzmetkerlerimen kezdesti. Kelissóz qorytyndysy boiynsha hattama jasaldy:
Ruqsatsyz aktsiiaǵa qatysqan BJB qyzmetkerleri tolyq quramda jumysqa shyǵýy kerek.
Hattamanyń birinshi tarmaǵy oryndalǵan jaǵdaida, jumysshylarǵa QMG jáne ÓMG tarapynan tártiptik jaza qoldanylmaidy.
Barlyq qoiylǵan talap QR zańnamasyna sáikes bitimgerlik komissiia otyrysynda qaralsyn.
Alaida ÓMG BJB kásipodaq tóraǵasy oǵan qol qoiýdan bas tartty.
"Qazaqstan zańnamasyna sáikes eńbek qatynastary úshinshi tulǵalardyń aralasýynsyz tikelei jumys berýshi men jumysshylar arasynda rettelýge tiis ekenin habarlaimyz", - dep atap ótti kompaniia.
"QazMunaiGaz" UK AQ osyǵan deiin ár talap boiynsha tolyq túsinikteme bergen bolatyn. Mysaly, ÓMG zeinetkerleriniń (burynǵy qyzmetkerleriniń) balalary kompaniianyń shtatyna tikelei alynsa, 2020 jyly bekitilgen jumysqa ornalasý algoritmin buzady.
"Algoritmge sáikes ÓMG zeinetkerleriniń balalary men jumyssyz azamattar teń dárejede jumysqa qabyldanady. Bul talapty oryndaý múmkin emes, óitkeni jumysqa ornalasý kezegin kútip otyrǵan Jańaózen qalasynyń basqa jumyssyz turǵyndarynyń quqyǵyn buzady", - dep habarlady "QazMunaiGaz".
Sondai-aq QazMunaiGaz kompaniiasy ÓMG qyzmetkerlerine kórsetiletin áleýmettik kómek týraly tolyq aqparat berdi. ÓMG men úsh kásipodaq arasyndaǵy ujymdyq shart 2024 jyly 25 sáýirde jasaldy. Ujymdyq shartqa sáikes ÓMG qyzmetkerlerin áleýmettik qoldaýǵa 44 mlrd teńge qarastyrylǵan, sonyń 5 mlrd teńgesi (11%) kompaniianyń Burǵylaý jumystary basqarmasyna arnalǵan.
"ÓMG-de eńbek etýge jaqsy jaǵdai jasalǵan dep esepteimiz, árbir qyzmetkerdi áleýmettik qoldaýǵa jyl saiyn 3,8 mln teńge bólinedi. BJB jumysshylaryn jumysqa shyǵýǵa jáne kelissózdi bitimgerlik komissiia aiasynda júrgizýge shaqyramyz", - dep túiindedi kompaniia.
Eske salaiyq, 12 qarashada "Ózenmunaigaz" jumysshylary ereýilge shyǵyp, kompaniiadan zeinetkerlikke shyqqan nemese densaýlyǵyna bailanysty jumysyn jalǵastyra almaityn munaishylardyń balalaryn jumyspen qamtamasyz etýdi talap etken bolatyn.
Sondai-aq olar eńbekke jaramsyz dep tanylǵan jáne óz erkimen zeinetkerlikke shyqqan 55-58 jas aralyǵyndaǵy jumysshylarǵa 600 AEK (ailyq eseptik kórsetkish) tóleýdi talap etti.
