"QazMunaiGaz" janarmai quiý beketterinde AI-92 markaly benzinin qolma-qol aqshamen satpai jatyr, - dep habarlaidy "Ult aqparat" kaz.tengrinews.kz portalyna silteme jasap.
"QazMunaiGaz" anyqtama bólimindegilerdiń aitýynsha, qazirgi ýaqytta AI-92 markaly benzin tek klýb kartasy nemese talony bar klientterge satylyp jatyr. "Klientte karta nemese talon bolsa, ol esh qiyndyqsyz janarmaiyn quiyp alady. Dál qazir biz AI-92 markaly benzinin qolma-qol aqshamen sata almaimyz. Keibir jerlerde AI-92 qolma-qol aqshaǵa satylyp jatyr. Biraq onda tek 10 nemese 20 litr janarmai quiýǵa bolady", - dedi kompaniianyń anyqtama bólimindegiler.
Sondai-aq, olar "QazMunaiGaz" janarmai quiý beketterine qysqy dizel otyny kelmegenin aitty. Qysqy dizel otyny ázirshe tek Astanada, Almatyda jáne Pavlodarda bar eken.
