«ALMEKS» holding toby» aktsionerlik qoǵamy «Kazkommertsbank» AQ-ǵa 65,2 mlrd teńge kóleminde qarjy quidy, dep habarlaidy "Ult aqparat" banktiń baspasóz qyzmetine silteme jasap.
«Kazkommertsbank» AQ ( Bank – redaktsiia) 2017 jyldyń 1 maýsymynda Qazaqstan Respýblikasynyń Ulttyq Bankimen №A0040 ornalastyrýǵa bekitilgen jariialanǵan aktsiialar sany aiasynda Banktiń 700 716 450 dana jai aktsiiasyn (USN KZ1C00400016) ornalastyrý rásiminiń sátti aiaqtalǵany týraly habarlady. Banktiń usynylǵan jai aktsiialarynyń kóleminen 700 171 633 danasyn «ALMEKS» Holding toby» aktsionerlik qoǵamy satyp aldy, nátijesinde Qazkommertsbanktiń aktsionerlik kapitalyndaǵy 25,05% úlesimen Banktiń iri qatysýshysy atandy. Aktsiialardyń ornalastyrylýy aiaqtalǵan soń Bankke 65,2 mlrd teńge kóleminde qarjy quiyldy. Bul qarajat Bankke maqsatty kórsetkishteriniń ósýine qol jetkizýge qajetti múmkindik berip otyr.
Banktiń kapitalyna keń kólemdi qarjy quiý týraly ALMEKS aktsionerleriniń sheshimi Halyk Group quramynda Qazkommertsbanktiń ary qarai damýy men qarjylyq turaqtylyǵyn qamtamasyz etýge nietin bildiredi.
Banktiń jeke kapitalyn qosymsha ulǵaitýdyń qajettiligi retteýshiniń bank kapitalynyń jetkiliktiligi talabynyń ósýimen jáne 2018 jyldan bastap, Qazaqstanda engiziletin jańa HQES 9 standarttarynyń talaptaryna sáikes bolýy, sondai-aq Banktiń sýdalyq qorjynyn tazalaý, qalpyna keltirý jáne ary qarai ulǵatý boiynsha menedjmenttiń josparymen bailanysty.
Qazkommertsbankti satyp alý jóninde mámileniń aiaqtalýy aiasynda osy jyldyń shildesinde «Qazaqstannyń Halyq Banki» AQ QKB-nyń kapitalyna 185 mlrd teńge kóleminde investitsiia quiyp, Banktiń nesieleý salasyndaǵy qyzmetin qalpyna keltirgen bolatyn. Al jańa quiylǵan 65,2 mlrd teńgeni qosa esepteitin bolsaq, 2017 jyly Qazkommertsbanktiń kapitalyna quiylǵan qarjynyń jalpy kólemi 250,5 mlrd teńgeni qurady. Bul eldiń bank sektoryna quiylǵan eń iri kólemdegi qarjy.
Nátijesinde Qazkommertsbank kapitalynyń jetkiliktilik koeffitsienti (K2) qazaqstandyq bankterdiń ishinde eń joǵary boldy jáne 27,2%-dy qurady. Nesieleý salasyndaǵy jumystyń jandanýymen qatar onyń jeke kapitalyndaǵy qarjy qory Bankke ózin senimdi sezinýge jáne túitkildi zaimdar qorjynymen jumysty kúsheitýge, jańa ónimder men tehnologiialardy ázirleý jumystaryna investitsiia quiýǵa, sondai-aq Qazaqstannyń DSU quramyna kirgen kezde jańa táýekelder men syndarǵa daiyn bolýǵa múmkindik beredi.
«2017 jyly memlekettiń jáne myqty aktsionerleriniń qoldaýynyń arqasynda Qazkommertsbank óziniń turaqty jáne senimdi qarjy institýty degen ataǵyn qaitara aldy. Sondai-aq, Halyq tobynyń quramynda naryqta óz jumysyn júie qurýshy bank retinde jalǵastyra aldy. Búgingi kúni biz bolashaqqa úlken optimizmmen qarap otyrmyz, óitkeni Qazkommertsbanktiń barlyq murasy – damyǵan infraqurylymy, tájiribesi jáne tehnologiiasy saqtalyp qana qoimai qarjy tobyndaǵy klientterge tiimdi bolýy úshin ary qarai dami túspek. Bank kapitalynyń ulǵaiýy taza sýdalyq qorjynnyń ósýi men sapasyn arttyrý jumystarymyzǵa mańyzdy kómek bolyp otyr. Jaqynda bank reitingisiniń* kóterilýine qaramastan biz Qazkommertsbank kapitalynyń edáýir ulǵaiýynan halyqaralyq reitingtik agenttikter, klientter men seriktester tarapynan pozitivti reaktsiiany kútemiz», - dedi Qazkommertsbanktiń basqarma tóraǵasy Ýlf Vokýrka.
*Banktiń reitingisi Fitch agenttigimen BB- tan CCC deiin, S&P agenttigimen B- tan B+ deiin jáne Moody’s agenttigimen Ba2 den B3 deiin kóterilgen bolatyn.
