Senator Dana Nurjigitova Ata zańǵa sáikes myzǵymas ustyndardyń kepili bolatyn tulǵa – Prezident ekenin jáne Qasym-Jomart Kemeluly Toqaev osynaý qiyn shaqta, taǵdyrymyz tarih tarazysyna túsken kezeńde azamattardyń basty quqyqtarynyń saqtalýyna bar kúshin salyp otyrǵanyn jetkizdi.
«Al zań shyǵarýshy organdar ómirdiń ózi belgilep bergen ózgeristerge zańdyq negiz bolatyn sapaly qujattar ázirleý josparyn pysyqtap, memleketimizdiń damý baǵytyn aiqyndaýǵa belsene atsalysyp jatyr» - dedi senator QR Konstitýtsiiasynyń 25 jyldyǵyna orai bildirgen pikirinde.
Ol óz sózinde úshinshi myńjyldyqtyń úshinshi onjyldyǵy adamzat tarihyndaǵy túbegeili ózgeristerden bastalyp otyrǵanyn jáne ol ózgerister ómirdiń barlyq salasyn sharpyǵanyn, turmys, sana, ekonomika, saiasat, bári ózgerip jatqanyn aitty.
Dana Nurjigitova «Bolashaq urpaq bul kezeńge baǵa bergende pandemiia kesirinen nemese pandemiianyń arqasynda dep saralaityn bolady. Biraq osyndai turaqsyzdyq jaǵdaiynda memlekettilikti nyǵaityp, turaqtylyqty, adam ómirin, quqyqtary men bostandyqtaryn qamtamasyz etetin konstanta, basty qujat bar. Ol – Konstitýttsiia. Qazirgidei kúrdeli kezeńde Konstitýtsiianyń róli odan ári arta túskenin kórip otyrmyz» - dedi.
.jpeg)