Parlament Májilisiniń Tóraǵasy Nurlan Nyǵmatýlin EAEO kedendik aýmaǵynda otandyq biznestiń múddesine erekshe mańyz berý kerektigin aitty, dep habarlaidy QazAqparat.
Aita ketsek Úkimet basshysynyń orynbasary – Qarjy ministri Álihan Smaiylov Parlament Májilisine EAEO kedendik aýmaǵyna ákelingen taýarlardy qadaǵalaý tetigi boiynsha kelisimdi ratifikatsiialaý týraly zań jobasyn engizgen bolatyn.
Álihan Smaiylov aityp ótkendei kelisimge 2019 jyly 29 mamyrda Nur-Cultandaǵy Joǵarǵy Eýraziialyq ekonomikalyq keńes otyrysynda EAEO múshe memleketter basshylary qol qoiǵan. Zań aiasynda EAEO-ǵa múshe memleketter importtyq taýarlardy baqylaityn Ulttyq qadaǵalaý júiesin qurady.
Atalmysh zań jobasyn engizerge Parlament Májilisiniń Tóraǵasy Nurlan Nyǵmatýlin Álihan Smaiylov bir máselege nazar aýdarý qajet ekenin aitty.
«Bul jumys árine kerek. Biraq eń mańyzdy másele – bizneske aýyrtpalyq salmaý kerek. Ásirese qazirgi jaǵdaida. Jalpy shaǵyn jáne orta biznestiń jaǵdaiyn jaqsy bilesiz. Sondyqtan myna zań jobasyn engizgen kezde eń aldymen – bizneske aýyrtpalyq júktemeý máselesin umyt qaldyrmaǵan abzal. Osyny eskerýimiz kerek», - dedi Nurlan Nyǵmatýlin Parlament Májilisiniń jalpy otyrysynda.
